कोरोना महामारीको संकटमा बन्द गरिएको सीमानाका खुला गर्न होटल तथा पर्यटन व्यावसायी संघ वीरगन्ज पर्साले माग गरेको छ । संघका अध्यक्ष हरि पन्तले बिहीकार एक विज्ञप्ति जारी गरेर विगत  नौ महिना देखि  नेपाल सरकारले  सीमा नाका बन्दले   होटल तथा  पर्यटन क्षेत्र तहस नहस भएको भन्दै नाका खुला गर्न माग गरेको हो ।

नेपाल बाल संगठन पर्साले आर्थिक विपन्नताका कारण छोरीको विवाह गराउन समस्यामा परेका विपन्न परिवारलाई आर्थिक सहयोग गरेको छ । संगठनले आर्थिक अभाबमा विवाहको उमेर पुगेका युवतीको विवाह नरोकियोस भनेर सहयोग संकलन गरेरै विवाह गराइदिने अभियान नै चलाएको छ । संगठनले अभियान अन्तर्गत पहिलो पटक वीरगंज वडा नं २० अपौनी घर भएका दुई परिवारका लागि आर्थिक सहयोग उपलब्ध गराएको छ । अपौनिकी फरक सक्षम क्षमताकी अजिजि सहिना खातुनको हिजो हुन लागेको विवाहका लागि संगठनले १५ हजार रुपैयाँ उहाँको परिवारलाई उपलब्ध गराएको हो ।

चिसो बढेसंगै चिकित्सकले स्वास्थ्यको ख्याल राख्न आग्रह गरेका छन । मध्यतराईमा एक्कासी चिसो बढेपछि चिकित्सकहरुले यस्तो आग्रह गरेका हुन ।

नेपालको प्रथम शाहीद लखन थापा मगर संग्रहालय तथा नेपाल मगर संघ जिल्ला कार्यसमिति बाराको जिल्ला कार्यालय भवन निर्माणको शिलान्यास शनिबार भएको छ ।  नेपाल मगर संघ बाराको जीतपुर सिमरा उपमहानगरपालिका वडा नम्बर १ पथलैयामा निर्माण गर्न लागेको भवनको नेपाल मगर संघ केन्द्रिय उपाध्यक्ष कमल पिठाकोटे मगरले शिलान्यास गर्नुभएको हो ।

मध्य तराइकै पहिलो रेडियो, रेडियो वीरगंज ९९ मेघाहर्जको १८ औं बर्ष पारगरी १९ औं बर्षमा प्रवेश गरेको अवसरमा आयोजित रक्तदान कार्यक्रम आज सम्पन्न भएको छ ।

अन्तराष्ट्रीय स्वयं सेवक दिवसको अवसरमा भोलेन्टियर समुह बीरगंजले नेपालको मुख्य प्रवेशद्वार शंकराचार्यगेट सरसफाइ, र सम्मान कार्यक्रम सम्पन्न गरेको छ । 

देशभरि अहिले लैङिक हिंसाविरुद्धको १६ दिने अभियान जारी छ । लैङिक हिंसा अन्त्यको प्रतिबद्धता ः व्यक्ति समाज र सबैको ऐक्यबद्धता भन्ने नाराका साथ मंसिर १० देखि २५ गतेसम्म यो अभियान जारी रहनेछ । 

जिल्ला समन्वय समिति पर्साका उपसभापति ठाकुर प्रसाद न्यौपानेले मृगौला पीडित बिर बहादुर थिङको जीवन रक्षाका लागि आवश्यक पहल गर्ने प्रतिबद्धता व्यक्त गर्नु भएको छ।

पर्साको सखुवा प्रसौनी गाउँपालिकामा बिहिबारदेखी २ दिने स्वास्थ्य परिक्षण शिविर सुरु भएको छ ।

सखुवा प्रसौनी गाउँपालिकाको वडा नं २ श्रीपुर पचगावामा निशुल्क नेत्र शिविर सम्पन्न भएको छ ।

नेकपा पर्साका जिल्ला सदस्य मूकेश चौरसियाको हत्या आरोपमा पक्राउ परेका तीजना रिहा भएका छन् । मुख्य अभियुक्त दुईजना पुर्पक्षका लागि कारागार चलान भएका छन् । मूकेशको हत्याको घटनामा संलग्न रहेको आरोपमा प्रहरीले पक्राउ गरेका मध्य हनिफ मियाँ र देवा सहनी जनही २/२ लाख रुपैंया धरौटीमा रिहा भएका छन् ।

पर्सागढी नगरपालिकाको वडा नं ३ आमोदेवी जनता क्याम्पसमा माट्रिका आइ फाउण्डेशनको आयोजनामा निशुल्क नेत्र शिविर सम्पन्न भएको छ ।

छिपहरमाई गाउँपालिकाको मिर्जापुर निवासी श्याम यादवले आफनो नाम छोडेर केही संचार माध्यमले गलत समाचार सम्प्रेष्ण गरेको भन्दै दुःख ब्यक्त गर्नु भएको छ । 

जीतपुर सीमरा उपमहानगरपालिकाको अमलेखगंजमा रहेको कैलाश धारा तेल उधोगलाई सील गरिएको छ ।

वीरगन्ज महानगरपालिकाका नगर प्रमुख विजय कुमार सरावगीको व्यस्तता निकै बढेको छ । कोरोना महामारी नियन्त्रण र रोकथामका लागि निरन्तर खटिरहेका नगर प्रमुख सरावगी अहिले कोरोनाको संक्रमण कम भएपछि विकास निर्माण र सामाजिक सचेतनामा व्यस्त देखिएका छन् । नगर प्रमुख सरावगी मंगलबार वीरगन्ज महानगरपालिकाको वडा नम्बर ८ मा निर्माण सम्पन्न भएको धर्मशालाको उदघाटन्, नगरक्षेत्रमा निर्माण भईरहेका विकास निर्माणका कामको अनुगमन गरेका छन् । वडा नम्बर ८ मा निर्माण भएको धर्मशालाको उदघाटन गरेका छन् ।

आफनै छोरीलाई बलात्कार गरेको आरोपमा ३५ वर्षिय एक भारतीय नागरिकलाई महोत्तरी प्रहरीले गिरफ्तार गरेको छ । 

बलात्कारमा परेकी बर्दीवास नगरपालिका १२ बिजलपुरा निवासी एक बालिकामा गर्भ रहेको खुलासा भएको छ ।

४ वर्षिया बालिकालाई जर्वजस्ती गरेको आरोपमा प्रहरीले सोही ठाउका १९ वर्षिय देवशंकर चौधरीलाई गिरफतार गरेको छ ।

पोखरिया नगरपालिकाको बजार क्षेत्रमा अनुगमन गर्न टोली चाल पाएपछि बजारका बसल बन्द गरिएको थियो ।

ढुवानी व्यवसायी महासंघ नेपालको केन्द्रीय अध्यक्षमा विश्वनाथ खनाल दोस्रो कार्यकालका लागि निर्वाचित हुनु भएको छ  ।