इन्जिनियर्स दिवसका अवसरमा एक महिला सहित एकसठ्ठीजनाद्वारा रक्तदान

इसीमाना सम्वाददाता २०८० सावन ७ गते १०: १० मा प्रकाशित 322 पटक पढिएको

बीरगंज । इन्जिनियर्स दिवस २०८० को उपलक्ष्यमा नेपाल इन्जिनियर्स एसोसिएसन, वीरगन्ज केन्द्रद्वारा वृहत रक्त दान कार्यक्रम सम्पन्न भएको छ ।

उक्त कार्यक्रममा सेन्टर फर डेमोक्र्याटिक इन्जिनियर्स नेपाल, मधेश प्रदेश र बीरगंज ईन्स्च्यिूट अफ टेक्नोलोजी, वीरगन्जले सहयोगी भूमिका निर्वाह गरेका थिए

नेपाल इन्जिनियर्स एसोसिएसन, वीरगन्ज केन्द्रका अध्यक्ष ई.उमेश कुमार गुप्ता (रौनियार) ले पहिलो रक्तदान गरी कार्यक्रमको उदघाटन गरेका थिए ।

रक्तदान कार्यक्रमको भारतीय महावाणिज्य दुतावासका प्रमुख नितेश कुमार, ले उद्घाटन गरेका थिए । उक्त कार्यक्रमको संयोजकत्व सेन्टर फर डेमोक्र्याटिक ईन्जिनियर्स नेपाल मधेश प्रदेशका अध्यक्ष ई.मनोज कुमार दासले गरेका थिए ।

साथै नेपाल इन्जिनियर्स एसोसिएसन, मधेश प्रदेशको प्रदेश सदस्य ई. प्रियान्सु कुमार गुप्ता (रौनियार) र ई. रबी कुमार साहको पनि कार्यक्रममा सहभागिता रहेका थियो ।

हरेक वर्ष श्रावण ७ गतेका दिन मनाइने इन्जिनियर्स दिवसका दिन यस नेपाल ईन्जिनियर एसोसिएसन, वीरगन्ज केन्द्रले सामाजिक कार्य गरी उक्त दिवस मनाउने गरेको छ ।

यस वर्ष रक्त संचार केन्द्र, वीरगन्जमा रगतको विशेष अभाव भएको वेलामा सेन्टर फर डेमोक्र्याटिक ईन्जिनियर्स नेपाल मधेश प्रदेश र बीरगंज ईन्स्च्यिूट अफ टेक्नोलोजी संगको सहकार्यमा गरिएको रक्तदान कार्यक्रममा १ महिला सहित ६५ जनाले रक्तदान गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।