जीतपुरमा पाँच महिला सहित १ सय जनाद्वारा रक्तदान

इसीमाना सम्वाददाता २०८० असार २३ गते ०८: ५७ मा प्रकाशित 307 पटक पढिएको

जीतपुर।शान्ति युवा बिकाश मञ्च जीतपुरको आयोजना तथा मानव अधिकार एलायन्स बाराको सहयोगमा शनिवार रक्रदान कार्यक्र सम्पन्न भएको छ । रक्तदान कार्यक्रममा १ सय जनाले रक्तदान गरेका छन ।जीतपुर स्थित शान्ती टोल खेल मैदानमा आयोजित कार्यक्रममा ५ जना महिला सहित १ सय जनाले रक्तदान गरेका हुन ।

नेपाल रेडक्रस सोसाईटी वीरगन्ज र सिमरा उपशाखाको प्राविधिक सहयोगमा रक्तदान कार्यक्रम सम्पन्न भएको हो । रक्तसञ्चार केन्द्रमा रगतको अभाव भइरहेका बेला शान्ति युवा बिकाश मञ्च जीतपुरले कार्यक्रमको आयोजना गरेको कार्यक्रम संयोजक प्रेमलाल साह सोनारले बताए ।

उक्त रक्तदान कार्यक्रमको उद्घाटन जीतपुरसिमरा उपमहानगरपालिकाका वडा न ७ का वडाध्यक्ष सुनिल कुमार गुप्ताले गरेका थिए ।उद्घाटन कार्यक्रममा बोल्दै वडाध्यक्ष गुप्ताले हाम्रो शरीर भित्र रहेको रगत हरेक ३ महिनामा आफै नष्ट हुने भएकोले रगत दान गर्दा धेरैको ज्यान जोगिने भएकोले रगत दान गर्न आग्रह गरे ।

कार्यक्रममा रगत दान गर्नेहरुलाई जीतपुरसिमरा उपमहानगरपालिकाको वडाध्यक्ष सुनिल कुमार गुप्ता,शान्ति युवा बिकाश मञ्च जीतपुरका अध्यक्ष बिबेक सोनार, मानव अधिकार एलायन्स बाराका अध्यक्ष अनिल तिवारी लगायतले प्रमाण पत्र प्रदान गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।