सशस्त्र प्रहरीद्वारा पटेर्वा सुगौलीका माझीद्वय १५ किलो चरेश सहित पक्राउ

इसीमाना सम्वाददाता २०८० असार २७ गते ०७: ३० मा प्रकाशित 389 पटक पढिएको

वीरगञ्ज । सशस्त्र प्रहरीले वीरगञ्जबाट पर्सा पटेर्वासुगौली गाउँपालिका–५ का ३५ वर्षीय सत्यनारायण माझी र ४० वर्षीय प्रलाद माझी जनालाई लागूऔषध चरेससहित पक्राउ गरेको छ ।

सशस्त्र प्रहरीले वीरगञ्ज भन्सारको मूल गेटको चेकप्वाइन्टबाट बुधबार बिहान उनीहरुलाई पक्राउ गरेको हो ।

भन्सार मूल गेटमा प्रस्तावित सीमा सुरक्षा गुल्म वीरगञ्जबाट सशस्त्र प्रहरी नायव उपरिक्षक राम जंग पाण्डेको कमाण्डमा खटिएको चेक प्वाइन्ट ड्युटी टोलीले विशेष सूचनाको आधारमा बीआर २२ एम ४२०६ नम्बरको भारतीय नम्बर प्लेटको मोटरसाइकलमा सवार उनीहरुलाई रोकी चेकजाँच गरेको थियो ।

जाँचकै क्रममा उनीहरुलाई सशस्त्र प्रहरीले मोटरसाइकल सहित पक्राउ गरेको हो । उनीहरु चरेश लिएर भारततर्फ जाँदै गरेका थिए ।

मोटरसाइकलको ट्यांकीबाट १५ किलो ३ सय १० ग्राम चरेस बरामद भएको सशस्त्र प्रहरी बल नेपाल १३ नम्बर गण हेडक्वार्टर पर्साका सूचना अधिकारी सशस्त्र प्रहरी नायब उपरीक्षक सन्तोषकुमार बस्नेतले जानकारी दिए।

पक्राउ परेका माझीद्वयलाई चरेश र मोटरसाइकलसहित आवश्यक कारवाहीको लागि सीमा प्रहरी चौकी इनर्वामा बुझाइएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।