जनकपुरधाम ।  मधेश प्रदेश सरकारको गृह, सञ्चार तथा कानुन मन्त्री फकिरा महतोले पत्रकारिता पेसा लोकतन्त्रको महत्वपूर्ण आधार भएको बताएका छन ।

आमसंचार प्राधिकरण मधेश प्रदेशले पत्रकारिता पुरस्कार, छात्रवृत्ति तथा प्रोत्साहनसम्बन्धी कार्यविधिबारे छलफल गर्न आयोजना गरेको कार्यक्रमलाई सम्बोधन गर्दै मन्त्री महतोले यस्तो बताएका हुन । 

उल्लेख गर्दै यस क्षेत्रलाई थप मर्यादित, जिम्मेवार र व्यवस्थित बनाउन प्रदेश सरकार प्रतिबद्ध रहेको बताउनुभयो।

पत्रकारहरूको हकहित संरक्षण, पेशागत सुरक्षा र क्षमता विकासका लागि सरकारले आवश्यक सहयोग गर्दै जाने उहाँको भनाइ थियो।

पत्रकारितालाई थप मर्यादित, जिम्मेवार गुणात्मक र व्यवस्थित बनाउन प्रदेश सरकार प्रतिबद्ध रहेको उनले बताए। 

 उनले प्रदेशको पत्रकारितालाई जनउत्तरदायी बनाउनकालागि सरकारले पत्रकारहरुको संरचनागत बिकास, क्षमताबृतिमा आवश्यक सहयोग गर्ने बताए ।

उनले आउने आर्थिक वर्षको बजेटमा पनि पत्रकारिता क्षेत्रको हितकालागि बजेट बिनियोजन हुने प्रष्ट पारे । पत्रकारहरूको हकहित संरक्षण, पेशागत सुरक्षा र क्षमता विकासका लागि सरकारले आवश्यक सहयोग गर्दै जाने उनको भनाइ थियो।

कार्यक्रममा नेपाल पत्रकार महासघंका केन्द्रीय लेखा समिति संयोजक के.सी. लामिछानेले मधेश प्रदेश सरकारले निर्माण गरेको प्राधिकरण काउन्सिल जस्ता संरचना बिघगठनको हल्ला सुनेको चर्चा गर्दै सरकारलाई त्यो दिशामा नजान सुझाव दिएका छन ।

उनले  प्रदेश सरकारले टेलीभिजन, रेडियो र पत्रिका चलाउनु लोकतान्त्रिक चिन्तन र अभ्यासको प्रतिकूल हुने बताए । संयोजक लामिछनले आम संचार प्राधिकरणले  पत्रकारिता पुरस्कार, लेखनबृति, छात्रबृति र प्रोत्साहन पुरस्कारको ब्यवस्था गरेर  मधेश का प्रत्रकारहरुलाइृ उत्साहित बनाएको बताए । 

आमसञ्चार प्राधिकरणले पत्रकारिता क्षेत्रको प्रवर्द्धन तथा पत्रकारहरूको क्षमता अभिवृद्धिलाई लक्षित गर्दै जनकपुरधाममा विशेष कार्यक्रम आयोजना गरेको हो।

कार्यक्रममा पत्रकारिता पुरस्कार, छात्रवृत्ति तथा प्रोत्साहनसम्बन्धी कार्यविधिबारे छलफल गर्नुका साथै नेपाल पत्रकार महासंघअन्तर्गतका वर्तमान तथा पूर्व शाखा सभापतिहरूलाई सम्मान पनि गरिएको हो।

आमसञ्चार प्राधिकरणका अध्यक्ष जितेन्द्र खड्काको अध्यक्षतामा भएको कार्यक्रममा नेपाल पत्रकार महासंघका  केन्द्रीय सदस्य राजेश कर्ण, मिडिया काउन्सिल मधेश प्रदेशकी कार्यवाहक अध्यक्ष बन्दना झा, नेपाल पत्रकार महासंघ मधेश प्रदेशका अध्यक्ष श्याम बञ्जारा तथा पूर्व अध्यक्ष दीपेन्द्र चौहानलगायतले शुभकामना मन्तव्य व्यक्त गरेका थिए। वक्ताहरूले पत्रकारिताको गुणस्तर अभिवृद्धि, पत्रकारहरूको पेशागत सशक्तीकरण तथा सञ्चार क्षेत्रको विकासका लागि यस्ता कार्यक्रम प्रभावकारी हुने धारणा व्यक्त गरेका थिए।

मधेश प्रदेशका आठवटै जिल्लाका पत्रकार महासंघका वर्तमान तथा पूर्व सभापतिहरूको सहभागिता रहेको कार्यक्रममा मन्त्री महतोले दोसल्ला ओढाएर सम्मान गरेका थिए।

सम्मानित हुनेहरूमा नेपाल पत्रकार महासंघ पर्सा शाखाका वर्तमान अध्यक्ष ओमप्रकाश खनाल तथा पूर्व अध्यक्षहरू शंकर खतिवडा, शत्रुघ्न नेपाल, दीपेन्द्र चौहान, के.सी. लामिछाने र श्याम बञ्जारा राजेश कर्ण , ज्योती झा, बन्दना झा अनिल कर्ण बाराका जयचन्द्र थसिनेकु, गुरु प्रसाद गौतम, रेशम तिवारी , सर्लाहीका ओमप्काश ठाकुर,टंक कार्की ,बिश्वनाथ ठाकुर, महतोरीका दशरथ भण्डारी, धनुषाका पुरन गुप्ता  सिराहका डा.बिजय मिश्र, दिनेश्वर गुप्ता,सप्तरीका बैद्यनाथ झा , बिष्णु मण्डल, सन्त ब्यथित, र श्रवणदेव रहेका छन्।

कार्यक्रममा आमसञ्चार प्राधिकरणले तयार पारेको पत्रकारिता पुरस्कार, छात्रवृत्ति तथा प्रोत्साहनसम्बन्धी नयाँ कार्यविधिमाथि समेत सरोकारवालाहरूबीच गहन छलफल भएको थियो। कार्यक्रममा प्राप्त सुझावहरूलाई कार्यविधिमा समेटिने विश्वास व्यक्त गरिएको थियो।

गरेका थिए भने स्वागत भने प्राधिकरणका सदस्य नविन गुप्ताले गरेका थिए ।