logo

यौनजन्य हिंसाविरुद्ध वीरगञ्जमा प्रहरीको सचेतना र्‍याली

 इसीमाना सम्वाददाता     २०८३ मंसिर १ गते ०९: ४५ मा प्रकाशित     31   पटक पढिएको

वीरगञ्ज  । यौनजन्य हिंसाविरुद्ध जनचेतना फैलाउने उद्देश्यले वीरगञ्जमा सचेतनामूलक र्‍याली निकालिएको छ।

 

अपराध अनुसन्धान विभागको ७१औँ स्थापना दिवस–२०८३ को अवसरमा जिल्ला प्रहरी कार्यालय पर्साले आयोजना गरेको तीनदिने अभियानअन्तर्गत र्‍याली निकालिएको हो।

 

वीरगञ्जस्थित घण्टाघरबाट सुरु भएको अभियानको उद्घाटन पर्साका प्रमुख जिल्ला अधिकारी भोला प्रसाद दाहाल ले गरेका थिए।

 

कार्यक्रममा नेपाल प्रहरी प्रदेश कार्यालय वीरगञ्जका प्रमुख प्रहरी वरिष्ठ उपरीक्षक (एसएसपी) कृष्णबहादुर पल्ली मगर ले यौनजन्य हिंसामुक्त समाज निर्माणका लागि प्रहरी र समुदायबीच सहकार्य आवश्यक रहेको बताए।

 

उनले मधेश प्रदेशका विभिन्न जिल्लामा यौनजन्य हिंसाका घटना देखिएकाले प्रहरी प्रधान कार्यालयको निर्देशनअनुसार तीनदिने सचेतनामूलक अभियान सञ्चालन गरिएको जानकारी दिए।

 

यस्ता अपराध नियन्त्रण प्रहरीको एकल प्रयासबाट सम्भव नहुने भन्दै नागरिक समाज, संघसंस्था, विद्यार्थी तथा सर्वसाधारणको सक्रिय सहभागिता आवश्यक रहेको उनको भनाइ थियो।

 

कार्यक्रममा पर्साका प्रहरी प्रमुख प्रहरी उपरीक्षक (एसपी) पवन भट्टराई, सशस्त्र प्रहरी प्रमुख मोहन क्षेत्री, नागरिक समाजका अगुवा, विभिन्न संघसंस्थाका प्रतिनिधि तथा विद्यार्थीहरूको सहभागिता रहेको थियो।

 

उद्घाटनपछि घण्टाघरबाट निकालिएको र्‍यालीले वीरगञ्जका विभिन्न भागको परिक्रमा गरी पुनः घण्टाघरमै पुगेर समापन भएको थियो।

 

मंसिर १ देखि ३ गतेसम्म सञ्चालन हुने अभियानमार्फत यौनजन्य हिंसाका घटनाबारे समुदायलाई सचेत गराउने, हिंसा रोकथामका उपायबारे जानकारी दिने तथा पीडितलाई न्यायको पहुँचमा पुर्‍याउन नागरिक सहभागिता बढाउने लक्ष्य राखिएको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग

वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।

भारतीय कम्युनिष्ट पार्टी माओवादीका प्रभावशाली नेता प्रशान्त बोस  ‘किशन दा’ को निधन

वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।

दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम

नयाँ दिल्ली ।  दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका  पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।

भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै

वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।

समाज

लायन्स क्लब अफ वीरगञ्ज मिलेनियम (MJF) द्वारा विपन्न परिवारलाई साडी, खाद्यान्न तथा छठ पूजा सामग्री वितरण

वीरगञ्ज । छठ पर्वको पावन अवसरमा लायन्स क्लब अफ वीरगञ्ज मिलेनियम (MJF) ले सामाजिक उत्तरदायित्व तथा मानवीय सेवाको भावनालाई आत्मसात् गर्दै ९० विपन्न तथा आर्थिक रूपमा कमजोर परिवारलाई साडी, खाद्यान्न एवं छठ पूजाका आवश्यक सामग्री वितरण गरेको छ।

ठोरी–४ विजयबस्तीमा प्रहरी भवन र स्वास्थ्य चौकीको नवनिर्मित भवन उद्घाटन

वीरगञ्ज । पर्साको ठोरी गाउँपालिका–४ विजयबस्तीमा नेपाल प्रहरीको नवनिर्मित भवन र निर्मल बस्ती स्वास्थ्य चौकीको नयाँ भवन एकै दिन उद्घाटन गरी सञ्चालनमा ल्याइएको छ।
सम्पादक

कृष्णचन्द्र लामिछाने

९८५५०२२४९७

बीरगंज १४, पर्सा

सम्पर्क

सीमाना मिडिया प्रा.लि.
बीरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2026 Simana Media Pvt. Ltd.

Design and Development by Cyberlink Pvt. Ltd.