जीतपुरसिमरा १४ मा ५७९ भूमिहीन तथा अव्यवस्थित बसोबासीको जग्गा प्राप्ति प्रक्रिया अघि बढ्यो
सिमरा। भूमिहीन दलित, भूमिहीन सुकुम्बासी तथा अव्यवस्थित बसोबासीहरूको वर्षौंदेखिको जग्गा प्राप्ति गर्ने सपना साकार पार्ने दिशामा जीतपुरसिमरा उपमहानगरपालिका वडा नं. १४ ले महत्वपूर्ण प्रक्रिया अघि बढाएको छ।
वडा नं. १४ का भूमिहीन नागरिकहरूको जग्गा प्राप्तिसम्बन्धी कार्यलाई अगाडि बढाउने क्रममा जीतपुरसिमरा उपमहानगरपालिकाको गत असोज १९ गते बसेको ७१औँ कार्यपालिका बैठकबाट स्वीकृत विवरणअनुसार थप आवश्यक प्रक्रिया तथा नापजाँचका लागि जिल्ला भूमि समस्या समाधान समितिमा सिफारिससहित विवरण पठाइएको हो।
वडा नं. १४ अध्यक्ष चयन मगरका अनुसार जग्गा प्राप्तिका लागि प्रक्रिया अघि बढाइएका नागरिकमध्ये भूमिहीन दलित १४ जना, भूमिहीन सुकुम्बासी १३६ जना र अव्यवस्थित बसोबासी ४२९ जना रहेका छन्।
यसरी कुल ५७९ जना नागरिकको विवरण सम्बन्धित निकायमा पठाइएको उनले बताइन।
यो संख्या केवल तथ्याङ्कमा सीमित छैन। आफ्नै नाममा जग्गा, सुरक्षित आवास र सम्मानजनक जीवनको आशा बोकेका सयौँ नागरिकको भविष्यसँग जोडिएको विषय हो।
वर्षौंदेखि जग्गा प्राप्तिको प्रतीक्षामा रहेका नागरिकका लागि पछिल्लो प्रक्रियाले आशा जगाएको उनले बताइन।
वडा तहबाट सम्पन्न गर्नुपर्ने प्रक्रिया अघि बढाउँदै आवश्यक विवरण सम्बन्धित निकायमा पठाइसकिएको अवस्थामा अब बाँकी प्रक्रिया पूरा गरी जग्गा प्राप्तिसम्बन्धी कार्यलाई निष्कर्षमा पुर्याउन जिल्ला भूमि समस्या समाधान समिति, सम्बन्धित निकाय तथा नेपाल सरकारको भूमिका महत्वपूर्ण हुने देखिन्छ।
५७९ नागरिकको जग्गा प्राप्तिको सपना कहिले साकार हुन्छ भन्ने विषय अब आगामी प्रक्रियाको प्रभावकारी कार्यान्वयनमा निर्भर रहनेछ।
सम्बन्धित निकायले आवश्यक प्रक्रिया समयमै पूरा गरेमा वर्षौंदेखि जग्गाको प्रतीक्षामा रहेका नागरिकलाई आफ्नो जग्गा प्राप्त गर्ने दिशामा थप सहजता हुने अपेक्षा गरिएको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया