वीरगंज । क्रियाशील युवा पत्रकार मञ्च नेपालको दोस्रो साधारण सभाले आनन्द पटेललाई सर्वसम्मत रुपमा अध्यक्ष चयन गरेको छ ।
शनिबार वीरगञ्जस्थित होटल मकालुमा सम्पन्न साधारण सभाले पटेलको अध्यक्षतामा १५ सदस्यीय नयाँ कार्यसमिति सर्वसम्मत रूपमा चयन गरेको हो ।
नवनिर्वाचित कार्यसमितिको उपाध्यक्षमा वीरेन्द्र साह, महासचिवमा राकेश कुमार साह, सचिवमा ओमप्रकाश कुमार सर्राफ , कोषाध्यक्षमा उपेन्द्र कुमार बरै चयन भएका छन् ।

त्यसैगरी सदस्यहरूमा सुनिल कुमार ओझा, आरोहण साह, कन्हैया बरनवाल , मुकेश कुमार यादव, आदित्य शर्मा, दिपेश कुमार ठाकुर, उपेन्द्र कुमार पटेल, दिनेश प्रसाद कुशवाहा, अर्जुन कुमार दास तथा अरुण कुमार साह चयन भएका छन् ।
कार्यक्रमका प्रमुख अतिथि उच्च अदालत जनकपुर अस्थायी इजलाश वीरगन्जका न्यायधीश गोकर्ण डाँगीले नवनिर्वाचित कार्यसमितिलाई खाँदा, माला तथा टिका लगाएर स्वागत गरेका थिए ।
उनले क्रियाशील युवा पत्रकार मञ्च नेपालले विगतमा गरेका गतिविधिहरू प्रशंसनीय रहेको उल्लेख गर्दै आगामी दिनमा पनि जनताको हितमा कलम चलाउन शुभकामना व्यक्त गरे ।
यसैबीच, नवनिर्वाचित कार्यसमितिको पहिलो बैठक पनि शनिबार नै सम्पन्न भएको छ । संघका अध्यक्ष आनन्द पटेलको अध्यक्षतामा बसेको बैठकले तीन महत्वपूर्ण निर्णय गरेको जनाएको छ ।
बैठकले पुरानो कार्यसमितिप्रति धन्यवाद ज्ञापन गर्ने, आगामी दिनमा नयाँ सदस्यता वितरण अभियान सञ्चालन गर्ने तथा वीरगञ्जमा देखिएको रगत अभावलाई मध्यनजर गर्दै जेठ महिनाभित्र रक्तदान कार्यक्रम आयोजना गर्ने निर्णय गरेको छ ।
तपाईको प्रतिक्रिया