वीरगञ्ज । प्रतिनिधिसभा सदस्य निर्वाचनमा पर्सा निर्वाचन क्षेत्र नम्बर–१ मा नपाली कांग्रेसका तर्फबाट   उम्मेदवार रहेका अनिल कुमार रुगटाले आफ्नो प्रतिज्ञापत्र सार्वजनिक गरेका छन्।

नेपाली कांग्रेसको चुनावी अभियानअन्तर्गत वीरगञ्जमा खोलिएको पार्टी कार्यालयमा आयोजित पत्रकार सम्मेलनमार्फत रुगटाले पर्सा–१ प्रतिज्ञा’ पत्र सार्वजनिक गरेका हुन्।

प्रतिज्ञापत्र सावृजनीक गर्दै नेता रुङ्गटाले  नेपाली कांग्रेसको भिजन १० राष्ट्रिय दिशा भएको र आफूले सार्वजनीक गरेको प्रतिज्ञा स्थानीय तहको सेवा प्रवाहको योजना  भएको बताएका छन ।

उनले जनमुखी र पारदर्शी सेवाको सुनिश्चिततकालागि आफू क्रियाशिल हुने बताए । उनले जनता र सरकारको वीचमा आवश्यकता अनुसार समन्वयकारी र हस्तक्षेपकारीको हैसियतमा काम गर्ने बताए ।

उनले  आफूले सम्पादन गर्ने कामबाट  आत्मसम्मान, सम्मानीत पर्सा र समुन्नत देश निर्माणको संकल्प लिएका छन ।  उनले वीरगंजको बिविधतालाई सम्मान गर्दै त्यसको एकता र सहकार्यलाई थप मजवुत बनाउदै समृद्धिको दिशामा अघि बढ्ने बताएका छन ।

उनले सास्दले आफै सडक बनाउदैन वा अन्य भौतीक पूर्वाधार निर्माण गर्दैन तर त्यो निर्माणकालागि नीतिको निर्माण, स्रोतको ब्यवस्थापन , राज्यका निकायहरुलाई समन्वय गराउने निर्माणलाई गुणात्मक बनाउने कुरामा भूमिका निर्वा गर्ने भएकोले आफू त्यो भूमिका निर्वाहमा कहि नचुक्ने प्रतिवद्धता जनाए । 

उनले राजनीतिमा अर्को अनुहार थप्न नआएको काम गर्ने, संस्कृतिको बिकास र मुलुक र जनताप्रति जवाफदेही राजनीतिकोलागि आफू राजनीतिमा आएको बताए । 

रुङ्गटाले सावृजनीक गरेको प्रतिवद्धतामा  पिउने पानकिो उलब्धता,स्वास्थ्य सेवाको गुणात्मक सुनिश्चितता, सीप सहितको शिक्षा,आर्थिक  बिकासको योजना,जेनजेडका सपना पुरा गर्न निष्पक्ष अवसरको बितरण,हरित वीरगंज ,नारयाणी रंगशालाको पूनः निर्माण,महिला शसक्तीकरण,र सुशासनलाई समेटेका छन ।

 
उनले फरक प्रसंगमा आफूले संचालन गरेको उधोगले प्रदुषणयुक्त पानी सिरसिया नदिमा एक थोपा पनि नमिसाएको बताए । उनले एउटा निष्पक्ष समितिको निर्माण गरि सो बिषयमा अध्ययन अनुसन्धान गर्न समेत आव्हान गरे ।

उनले आफूले संचालन गरेको उधोगमा ९५ प्रतिशत नेपाली नागरिकले रोजगार पाएको बताए । केही प्राविधिक जनशक्ति बाहिरबाट झिकाउनु पर्ने बाध्यताको रहेको बताउदै बिस्तारै त्यो जनशक्ति पनि नेपालमै तयार हुने बिश्वास ब्यक्त गरे ।

 उनले मतदाताको साथ र सर्मथन आफूले पाएको र निर्वाचनको रेसमा आफू पहिलो नम्बर रहेको समेत बताए । 

नेपाली कांग्रेसका प्रचार बिभाग सदस्य कन्चा झाले संचालन गरेको कार्यक्रममा पत्रकारहरुले बिभिन्न जिज्ञासाहरु राखेका थिए ।

पत्रकार सम्मेलनमा नेपाली कांग्रेस पर्साका सभापनि जनार्दन सिंह क्षेत्री ,पूर्व सभापती अजय कुमार द्विवेदी,उपसभापति राम नारायण कुर्मी, क्षेत्रीय अध्यक्ष अरविन्द गुप्ता,  महानगर समितिका का पूर्व अध्यक्ष भोला कलवार, नेपाल महिला संघका केन्द्रीय सदस्य किरण सरकार , नेपाली कांग्रेसका प्रचार बिभागका सदस्य दिपेन्द्र चौहान नेपाली कांग्रेसका नेता श्याम पोख्रेल उधोग बिभागका सचिव मनोज दास लगायतका नेताहरुको सहभागिता रहेको थियो ।

रुगटाले प्रतिज्ञापत्रमार्फत पर्सा–१ का नागरिकको अपेक्षा सम्बोधन गर्दै विकास र स्थायित्वको पक्षमा जनमत जुटाउने विश्वास व्यक्त गरेका छन्।