रास्वपा पर्सा–१ का उम्मेदवार हरि पन्तद्वारा सहिद दिलिप चौरसियाको परिवारसँग भेट
वीरगंज । राष्ट्रिय स्वतन्त्र पार्टीको पर्सा निर्वाचन क्षेत्र नं. १ का उम्मेदवार हरि पन्तले मधेस आन्दोलनका सहिद दिलिप चौरसियाको परिवारसँग भेटघाट गरेका छन्।
जगरनाथपुरमा आयोजित घरदैलो कार्यक्रमका क्रममा उनले सहिद चौरसियाकी आमा रामज्योती देवी र दाजु पृथ्वी नारायण चौरसियासहित परिवारका सदस्यहरूसँग प्रत्यक्ष संवाद गरेका हुन्।
भेटका क्रममा सहिद परिवारले मधेस आन्दोलनको नाममा केही मधेसवादी नेताहरूले आफ्नो राजनीतिक स्वार्थ पूरा गरेको, आन्दोलनमा गोली चलाउने शक्तिसँग मिलेर मधेसी समुदायको अपमान गरिएकोप्रति गहिरो दुःख व्यक्त गरे।
सो अवसरमा रास्वपाका उम्मेदवार तथा पर्सा जिल्ला सभापति हरि पन्तले मधेस आन्दोलनका सहिदहरूलाई पनि जनआन्दोलनका सहिदसरह सम्मान दिलाउन राज्यलाई निरन्तर दबाब दिने बताएका थिए।
यसै दिन जगरनाथपुरमा सम्पन्न हरि पन्तको घरदैलो कार्यक्रममा स्थानीयवासीको उत्साहजनक सहभागिता देखिएको थियो। वीरगञ्ज महानगरपालिका–२२, जगरनाथपुरमा आयोजित स्वागत तथा घरदैलो कार्यक्रममा ठूलो संख्यामा नागरिक उपस्थित भई कार्यक्रमलाई सफल बनाएका थिए।
मंगलबार सम्पन्न कार्यक्रमको सुरुवात श्रीराम–जानकी मन्दिरमा पूजा–अर्चनाबाट गरिएको थियो। त्यसपछि जगरनाथपुर चौकबाट सुरु भएको घरदैलो कार्यक्रम वडाका विभिन्न टोलहरूमा सञ्चालन गरिएको थियो।
घरदैलोका क्रममा उम्मेदवार पन्तले स्थानीय नागरिकसँग प्रत्यक्ष भेट गर्दै रास्वपाको नीति, उद्देश्य र भावी योजनाबारे जानकारी गराएका थिए।
स्थानीयले शिक्षा, रोजगारी, खानेपानी, सरसफाइ, सडक, स्वास्थ्य सेवा र सुशासनसम्बन्धी समस्या तथा सुझावहरू राखेका थिए। पन्तले ती सबै विषयलाई गम्भीरतापूर्वक नोट गर्दै समाधानका लागि पहल गर्ने प्रतिबद्धता जनाए।
निर्वाचन परिचालन समिति वीरगञ्ज–२२, जगरनाथपुरका संयोजक युवराज पटेलले कार्यक्रम सफल बनाउन सहयोग गर्ने सम्पूर्ण स्थानीयवासी, पार्टी कार्यकर्ता र शुभेच्छुकहरूलाई धन्यवाद व्यक्त गरेका छन्।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
लायन्स म्याराथन प्रतियोगिता सम्पन्न,डेसिमलका हुसेन र बिपीएसकी शर्मा प्रथम
वीरगञ्ज। स्वस्थ जीवनशैली, अनुशासन, खेलकुद प्रवर्द्धन तथा सामाजिक सेवाको सन्देश प्रवाह गर्ने उद्देश्यले अन्तर्राष्ट्रिय युवा दिवसको अवसरमा वीरगञ्जमा लायन्स म्याराथन प्रतियोगिता उत्साहजनक सहभागिताबीच भव्य रूपमा सम्पन्न भएको छ ।
खेलकुद
ठोरीमा भदौ ६ देखि ७ ए–साइड फुटबल प्रतियोगिता संचालन हुने
वीरगंज । ठोरी गाउँपालिका–३, नयाँबस्ती ब्रह्मनगरमा रहेको आईटी कलेज खेल मैदानमा चौथो संस्करणको ७ ए–साइड फुटबल प्रतियोगिता आयोजना हुने भएको छ ।
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
तपाईको प्रतिक्रिया