नेकपा पर्सा–१ र २ मा क्षेत्रीय कार्यकर्ता भेला सम्पन्न, जेनजीका माँग पुरा गर्ने प्रतिवद्धता ब्यक्त
वीरगंज । नेपाली कम्युनिष्ट पार्टी (नेकपा)ले पर्सा निर्वाचन क्षेत्र नं. १ र २ मा शनिबार भव्य क्षेत्रीय चुनावी कार्यकर्ता भेला सम्पन्न गरेको छ।
यी भेलाले आगामी प्रतिनिधि सभा निर्वाचनका लागि स्थानीय संगठन मजबुत बनाउने र पार्टीको मताधार विस्तार गर्ने उद्देश्य राखेको थियो।
पर्सा–२ मा सम्पन्न भेलामा प्रतिनिधि सभा सदस्यका उम्मेदवार मनोज चौधरीले नेकपा मात्र जेन–जी आन्दोलनका मागहरू पूरा गर्न सक्षम भएको दाबी गरे। उनले हालका निवर्तमान सांसद–मन्त्रीहरूको कार्यशैलीले देशमा ठूलो क्षति पुर्याएको बताए।
चौधरीले कार्यकर्तालाई पार्टीको तारा छाप चिन्हमा मतदान गरी विजयी गराउन आह्वान गरे। कार्यक्रममा पार्टीका केन्द्रीय सदस्य नागेन्द्र चौधरी ,रामचन्द्र साह, रामश्रय राम, विपिन यादव, बिरेन्द्र यादव, फिरोज बादसाह, सावित्री पोखरेल लगायतको उपस्थिति उल्लेखनीय थियो।
त्यसैगरी, पर्सा–१ मा सम्पन्न भेलामा उम्मेदवार सीए अजय चौरसियाले शोषित र पीडित वर्गको हकअधिकारको पक्षमा निरन्तर संघर्ष गर्दै आएको बताए।
उनले निर्वाचनको समयमा प्रलोभनमा नपरी सही र योग्य उम्मेदवारको चयन आवश्यक रहेको औंल्याए। चौरसियाले आफू निर्वाचित भएपछि जनताको समस्या समाधान र नीति–नियम सुधारमा सक्रिय भूमिका खेल्ने प्रतिबद्धता व्यक्त गरे।
भेलामा पार्टीका बाबुराम कौशिक, बालगोपाल थापा, रामबाबु बैठक, मुस्कान खातुन, रामदरश कुश्वाहा लगायतका नेताहरू उपस्थित थिए।
्
भेलाले नेता कौशीकको नेतृत्वमा ५५१ सदस्यीय निर्वाचन परिचालन समिति गठन गरेको छ ।
दुबै क्षेत्रीय भेलाले नेकपा स्थानीय संगठन सुदृढ गर्ने, युवा नेतृत्व अघि सार्ने र आगामी निर्वाचनमा जनताको विश्वास जित्ने रणनीति स्पष्ट गरेको छ।
कार्यकर्ताहरूले उत्साहका साथ पार्टीका उम्मेदवारलाई समर्थन गर्ने र अभियानमा सक्रिय भूमिका खेल्ने प्रतिबद्धता व्यक्त गरेका छन्।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
घण्टाघर नजिकको सूर्य मन्दीरमा रुद्राक्ष रक्तचन्दन र अमलाका बिरुवा रोपियो
वीरगंज । स्वतन्त्र मानव अधिकारी समाजको आयोजनामा सोमवार वीरगंजको घण्टाघरमा रहेको सूर्य मन्दीरमा बृक्षारोपण कार्यक्रम सम्पन्न भएको छ ।
रौतहटका १८ स्थानीय तहमध्ये ३ वटा पालिकाले ल्याउन सकेनन बजेट
चन्द्रपुर। रौतहट जिल्लाका १८ स्थानीय तहमध्ये ३ वटाले निर्धारित समयमा नीति तथा कार्यक्रम र बजेट प्रस्तुत गर्न सकेनन ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया