वीरगंज । बिराटनगरमा नेकपा एमाले नेता भानुक्त ढकाल र महेश बस्नेत सवार गाडीमा रातो मसी छ्याप्ने र भौतीक आक्रमणको प्रयास भएको छ ।

 देशभर राजनीतिक उत्तेजना र युवामध्ये बढ्दो अस्वस्थ गतिविधिबीच हालै विराटनगर विमानस्थलमा नेकपा (एमाले)का नेतामाथि गरिएको रातो मसी छ्याप्ने तथा आक्रमणको प्रयासले व्यापक प्रतिक्रिया उत्पन्न गरेको छ। घटनालाई राजनीतिक दलदेखि नागरिक समाजसम्मले गम्भीर र निन्दनीय बताएका छन्।

राजनीतिक विश्लेषकहरूका अनुसार, लोकतान्त्रिक व्यवस्थामा विरोध प्रदर्शनको अधिकार भए पनि “विरोधको पनि मर्यादा हुन्छ” भन्ने सिद्धान्तको उल्लङ्घन हुँदै गएकोमा चिन्ता बढ्दो छ।

 शान्तिपूर्ण सभा–जुलुस तथा देशभर स्वतन्त्र रूपमा आवत–जावत गर्नु प्रत्येक नागरिकको नैसर्गिक र संवैधानिक अधिकार भए पनि–अर्कातर्फ, आक्रमण, धम्की र हिंसात्मक गतिविधि कुनै हालतमा स्वीकार्य नहुने जनाइएको छ।

यसैबीच, देशका विभिन्न स्थानमा राजनीतिक रूपमा प्रेरित युवादल, ग्याङ–संस्कृति र संगठित समूहहरूको सक्रियता बढ्दै गएको विश्लेषणहरूका बीच “हिंसा होइन—विचार, संवाद र लोकतान्त्रिक अभ्यासमार्फतै देश अघि बढ्छ” भन्ने सन्देश बलियो रूपमा उठ्न थालेको छ।

नेकपा एमालेका नेता महेश बस्नेतले आफनो फेसबुक पेज मार्फत बिराटनगरमा आफूमाथि भएको आक्रमणमा  कांग्रेस निकट विद्यार्थी नेताहरूले दिएको सूचनाअनुसार नेपाल विद्यार्थी संघ, महेन्द्र मोरङ क्याम्पसका इकाइ सभापति सन्जोग गौतम र सदस्य अर्पित कुँवर संलग्न भएको दाबी गरेका छन।

 प्रहरीले उनीहरुलाई पक्राउ समेत गरेको छ । घटनाबारे आधिकारिक निकायले भने अझै औपचारिक जानकारी सार्वजनिक गरेको छैन।

त्यस्तै, आर–आर कलेज क्षेत्रमा कालो ज्याकेटसहित देखिएका व्यक्तिलाई काभ्रे जिल्लाको बेथानचोक गाउँपालिकाका एक वडाध्यक्ष (नेकपा एस) सम्बद्ध) भएको उनले लेखेका छन।

यसैबीच, बाराको सिमरा क्षेत्रमा सरकारी कार्यालयदेखि निजी घरसम्ममा भएका आगजनी घटनामा सम्राट उपाध्याय नामक व्यक्ति संलग्न देखिएको र पूर्वमन्त्री किसान श्रेष्ठको घरमा भएको धक्का–मुक्का तथा लुटपाटसम्बन्धी घटनामा सुदन गुरुङ नेतृत्वको समूह संलग्न भएको उनले लेखेका छन । उनले खास गरेर जेनजीका नाममा भएका घटनमा संलग्नहरु साच्चिकै जेनजी हुन भन्दै प्रन उठाएका छन ।

यी ब्यक्तिहरु कुन जेनेरेशन जेड  पर्छन् ? जेनेरेशन जेड को नाममा व्यापक घुसपैठ भएको तथ्य स्पष्ट छ। यो अवस्थामा  सिङ्गो देश राजनैतिक दल र नगरिकलाई सचेत हुन उनले अपिल गरेका छन । राजनीतिक गतिविधि संजान गर्न निरन्तर क्रियाशिल रहेका बस्नेतलाई जाहा गए पनि जेनजीका नाममा अवरोध सृजना गरिएको छ ।

जेनजीको सर्मथनमा रहेको सरकार चुनाव गर्ने भन्छ तर जेनजीको नाममा राजनीतिक गतिविधि संचालन गर्न अवरोध सृजना हुदै आएकोले चुनाव प्रतिको सरकारी प्रतिवद्धता प्रति आम बिश्वास बन्न सकेको छैन ।