माओवादी केन्द्रले दुई सांसदविरुद्ध कारबाही प्रक्रिया अघि बढायो
वीरगंज । मधेश प्रदेश सभाका दुई सांसदमाथि पार्टीको ह्विप उल्लङ्घन गरेको आरोपमा नेकपा (माओवादी केन्द्र)ले कारबाही प्रक्रिया अघि बढाएको छ।
पूर्व मुख्यमन्त्री जितेन्द्र सोनललाई विश्वासको मत दिने सन्दर्भमा पार्टी ह्विप विपरीत उभिएको भन्दै माओवादी केन्द्र संसदीय दल, मधेश प्रदेशले आफ्ना सांसद रहबर अन्सारी र मालाकुमारी कर्णमाथि कारबाही प्रक्रिया सुरु गरेको हो।
माओवादी केन्द्रका संसदीय दलका नेता तथा पूर्वमन्त्री भरत साहका अनुसार विश्वासको मतको दिन प्रदेश सभा बैठकमा पार्टीको आधिकारिक निर्णयविपरीत यी दुई सांसदले मुख्यमन्त्री सोनललाई समर्थन नगरेको र सदनमा वक्तव्य दिँदै ह्विपको खुल्लमखुल्ला उल्लङ्घन गरेको पाइएपछि संगठनात्मक कारबाही अघि बढाइएको हो।
साहले भने, “पार्टीको निर्णय विपरीत आचरण गरेकाले केन्द्रीय समितिले उनीहरूलाई साधारण सदस्य समेत नरहने गरी कारबाहीको निर्णय गरिसकेको छ। केन्द्रबाट आधिकारिक पत्र आएलगत्तै प्रदेशसभामा उनीहरूको पद खारेजका लागि सिफारिस गरिनेछ।”
विश्वासको मतका दिन अन्सारी र कर्णले ह्विप विपरीत उभिएपछि पाँच दलीय गठबन्धनको समर्थनमा बनेको लोसपा नेता जितेन्द्रप्रसाद सोनल नेतृत्वको सरकार ढलेको थियो। त्यसै बैठकमा मुख्यमन्त्री सोनलले सदनमै राजीनामा घोषणा गरेका थिए।
माओवादी केन्द्रले यी दुई सांसदको व्यवहारलाई गैरसंवैधानिक, असंवैधानिक र पार्टी अनुशासन विपरीत भन्दै उदाहरणीय कारबाहीको प्रक्रिया अघि बढाएको जनाएको छ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मेडिकल ब्यवसायी दुर्गा प्रसाई साधारण तारेखमा रिहा
बीरगंज । ‘राष्ट्र, राष्ट्रियता, धर्म संस्कृति र नागरिक बचाउ महाभियानका संयोजक एवं मेडिकल व्यवसायी दुर्गा प्रसाईंलाई अदालतले हिरासतमुक्त गर्न आदेश दिएको छ ।
बसको ठक्करबाट जलेश्वरमा पैदल यात्री साहको मृत्यु
बर्दिवास । महोत्तरी जिल्लाको सदरमुकाम जलेश्वरमा आज बिहान यात्रुवाहक बसले ठक्कर दिँदा एक पैदल यात्रीको मृत्यु भएको छ ।
खेलकुद
नवौँ गोलबजार मेयर गोल्डकप फुटबल प्रतियोगितामाअ आज चात्यासा फुटबल क्लब र विराटनगर भिड्ने
गोलबजार । सिरहाको गोलबजार नगरपालिकाद्वारा आयोजित नवौँ गोलबजार मेयर गोल्डकप फुटबल प्रतियोगिताको दोस्रो दिनको खेलमा सलहेश युवा क्लब, सिरहा विजयी भएको छ।
गोलबजार मेयर गोल्ड कप चैत तेस्रो सातादेखि, बिजेताले ४ लाख ४४ हजार ४ सय ४४ रुपैया पुरस्कार पाउने
गोबजार । नवौँ संस्करणको मेयर गोल्ड कप फुटबल प्रतियोगिता चैत २३ देखि २९ गतेसम्म सञ्चालन हुने भएको छ । गोलबजार नगरपालिकाले पत्रकार सम्मेलनमार्फत प्रतियोगिताको तालिका सार्वजनिक गरेको हो ।
तपाईको प्रतिक्रिया