गौर। गौर नगरपालिका–५ का पूर्व वडाअध्यक्ष रामस्वार्थ यादवको बुधवार बिहान करेन्ट लागेर मृ,त्यु भएको छ ।
जिल्ला प्रहरी कार्यालय रौतहटका अनुसार, यादवलाई आफ्नै बाख्रा फार्ममा पानी सिँचाइका लागि प्रयोग भइरहेको विद्युतीय मोटर चलाउँदा करेन्ट लागेको थियो।
करेन्ट लागेपछि गम्भीर घाइते भएका यादवलाई तत्काल उद्धार गरी उपचारका लागि लैजाने क्रममा बाटोमै मृ,त्यु भएको प्रहरीले जनाएको छ।
स्वर्गीय यादव नेकपा एमालेका जिल्ला कमिटी सदस्य, स्थानीय राजनीतिमा सक्रिय, समाजसेवी तथा सहयोगी व्यक्तित्वका रूपमा परिचित थिए। उनका परिवार र स्थानिय समुदायमा उनी अत्यन्तै सम्मानित थिए।
घटनाबारे थप अनुसन्धान भइरहेको जिल्ला प्रहरी कार्यालय रौतहटले जानकारी दिएको छ। अहिले यादवको शव पोस्टमार्टमका लागि प्रादेशिक अस्पताल गौरमा राखिएको छ।
तपाईको प्रतिक्रिया