नेपाल कम्युनिष्ट पार्टीका नेता एवम् शहरी विकास मन्त्री प्रभु साहले प्रधानमन्त्रीको पद पाउन जति मरिहत्ते गरे पनि प्रचण्ड र माधव नेपालले प्रधानमन्त्रीको पद पाउन नसक्ने बताउनु भएको छ  ।

शुक्रवार पर्साको छिपहरमाई गाउँपालिकामा पार्टीद्वारा आयोजित कार्यकर्ता भेलालाई सम्बोधन गर्दै नेकपा प्रदेश २ का अध्यक्ष समेत रहनु भएका मन्त्री साहले जति षड्यन्त्र र छलछाम गरेपनि प्रचण्ड(माधवको प्रधानमन्त्री बन्ने सपना साकार नहुने बताउनु भएको हो । जनताले झण्डै दुईतिहाई बहुमतसहित देशकै ठूलो पार्टी बनाएको भएपनि प्रचण्ड र माधव नेपालले पार्टी ध्वस्त बनाएको बताउदै मन्त्री साहले माधव प्रचण्ड आफैले खनेको खाल्डोमा फस्ने जीकिर गर्नु भयो । 

संसद पुनर्स्थापना पछि प्रचण्ड र माधव नेपाल सांसद किनबेच गरेर गणीतिय फोहोरी खेलमार्फत प्रधानमन्त्री बन्ने सपना देखिरहेको तर पूरा नहुने मन्त्री साहको भनाई छ । सत्ता हत्याउन प्रचण्ड र माधव नेपालले रोपेको अस्थिरताको काँडाले उनीहरुलाई घोच्ने  मन्त्री साहले बताउनु भयो  ।

संसद पुनर्स्थापना पछि प्रचण्ड माधवहरु प्रधानमन्त्री पदको सपना देख्न थालेका छन् उहाँले भन्नु भयो“ हुन पनि किन नहोस्, यसैको लागि त आफनै पार्टीको सरकार बिरुद्ध अविश्वासको प्रस्ताव ल्याउने र दुई तिहाई कम्युनिष्ट जनमतलाई टुक्राउने काम गरेका थिए ।”   जति छटपटाए पनि, जति गिडगिडाए पनि माधव प्रचण्डहरुले प्रधानमन्त्री पद पाउन सक्दैनन् । किन कि अरुका लागि खाल्डा खन्नेहरू त्यसमा आफै पर्ने गर्छन् । तपाई हेर्न सक्नुहुन्छ आज उहाँहरूलाई कसैले बिश्वास गरि रहेछैन मंत्री साहले भन्नु भयो ।

नयाँ सरकार निर्माणका लागि गणीतिय फोहोरी खेलको सुरुवात भएको छ । माधव प्रचण्डहरुले अहिले सांसद किनबेच र अस्थिर सरकार बनाउने फोहोरी खेल खेल्ने अवसर पाएकोमा  उत्सव मनाइरहेका छन् । तर उनीहरूले रोपेको काँडाले उनीहरुलाई नै घोच्ने छ ।ू मन्त्री साहले थप्नु भयो ू जनताले झण्डै दुई तिहाई बहुमतसहित नेकपालाई ठूलो पार्टी बनायो । तर सत्ताको लोभमा पार्टीलाई ध्वस्त बनाइदिएको । भनिन्छ, अरुका लागि खाल्डा खन्यो भने आफै फस्नुपर्छ । ठिक त्यस्तै हालत माधव र प्रचण्डहरुको भएको छ ।ू
उहाँले अवको लडाई अस्थिरता र भ्रष्टाचार बिरुद्ध रहेको बताउदै मंत्री साहले नपाली जनताको सम्बृद्धि र सुखी नेपालीको आकंक्षालाइृ पुरा गर्न कम्युनिष्ट पार्टीले मात्र सक्ने बताउनु भयो । उहाँले प्रधानमंत्री के.पी ओालीको नेतृत्वमा नेपाललाई बिदेशीहरुको खेल्ने अखाडा बन्नबाट रोक्न सकिएकोले देशी बिदेशी षडयन्त्रका कारण अस्थिरताको खेल शुरु भएको बताउनु भयो । 

कार्यक्रममा प्रदेश सभा सदस्यद्वय  महम्मद समीर, नेकपा पर्साका अध्यक्ष प्रभू हजरा,संविधानसभा सदस्य राजकुमार गुप्ता, जय प्रकाश थारु। प्रदुम्न चौहान ,फूलझरी देवी ,, छिपहरमाई गाउँपालिकाका अध्यक्ष मनोज कुमार गुप्ता,  डा. विशम्भर शर्मा, बलिराम साहलगायतका जनप्रतिनिधि एवम् नेताहरुको उपस्थिति रहेको थियो ।