प्रदेश २ सरकारले जारी गरेको प्रदेश संचार ऐन २०७७ लाई नेपाल पत्रकार महासंघ  प्रदेश समिति २ ले  अवज्ञा गर्ने निर्णय गरेको छ ।

प्रदेश सरकारले ल्याएको संचार ऐनले आमसंचार माध्यम र श्रमजीवी पत्रकारको हित र संरक्षणको बिषयमा प्रवन्ध गरिएको सरकारीदावी सत्य नभएको भन्दै नेपाल पत्रकार महासंघले संचार ऐनको अवज्ञा गर्ने निर्णय गरिएको नेपाल पत्रकार महासंघ प्रदेश २ ले जारी गरेको बिज्ञप्तिमा उल्लेख छ । 

नेपाल पत्रकार महासंघ प्रदेश समितिको शनिवार महोत्तरीको बर्दिवासमा सम्पन्न बैठकले संचार ऐन बदनियतपूर्ण रुपमा आएको डहर गरेको छ । 

प्रदेश सरकारले चोरबाटोबाट संचार ल्याएको नेपाल पत्रकार महासंघले गम्भिर आरोप लगाएको छ । सरकारले संसदीय परम्परा पद्धती र बिधयकलाई कानूनको रुपमा परिपक्व बनाउने कार्यबिधिसबैलाई स्थागन गरेर कोरोना महामारीको संकटको बेलामा चोर बाटोबाट प्रदेश सभाबाट पारित गरेको महासंघले जनाएको छ ।

बिधयक प्रदेश सभा भित्र रहेको संसदीय समितिमा समेत छलफल नगरिएको संसद सचिवालयले समेत जनाएको छ । 

कोरोना काइरसको संक्रमणको प्रमुख केन्द्र बनेको प्रदेश २ मा नागरिकको जीवन रक्षा गर्ने र नागरिकको सूचना पाउने अधिकारलाई प्रचलनमा ल्याउन अहोरात्र फ्रन्टलाईनमा खटने पत्रकारहरुको निम्ति निर्वाह गर्नु पर्ने दायित्व निर्वाह गर्न सरकार असफल भएको नेपाल पत्रकार महासंघले निष्कर्ष निकालेको प्रदेश अध्यक्ष दीपेन्द्र चौहानले बताउनु भयो । उहाँले भन्नु भयो “सरकार नागरिकको जीवन रक्षाकोलागि पहलकदमी लिन असफल भयो ” । 

बैठकले सागठानीक जीवनका केही महत्वपूर्ण निर्णय गर्दै सबै शाखाहरुलाई भदौ मसान्त सम्ममा सदस्यताको नविकरण सक्न र नयाँ सदस्यताको सिफारिश गर्न निर्देशीत गरेको छ । 

बैठकले प्रदेशका  बिभिन्न जिल्लामा रहेर काठमाण्डौबाट प्रकाशन प्रशारण हुने संचार संस्थाका सम्वाददाताका रुपमा कार्यरत पत्रकारहरुको ढेड वर्षदेखीको पारिश्रमीक उपलब्ध नगराएको र कोरोना संकटको यो बेलामा समाचार प्रकाशन नगरेर घुमाउरो पारामा कामबाट निकाल्न खोजिएका घटनाहरु देखिएकोले त्यस्त संचार माध्यमलाई श्रमजीवी पत्रकारको काम सुनिश्चितता र तत्काल पारिश्रमीक उपलब्ध गराउन बैठकले माँग गरेको महासचिव किरण कर्णले बताउनु भयो ।

 प्रदेश समितिमा त्यस्ता पत्रकारहरुको उजुरी समेत परेको छ । श्रमजीवी पत्रकारको गास खोस्ने र श्रम गरेको पारिश्रमीक नदिने त्यस्ता संचार संस्थाकाका बिरुद्ध प्रदेश २ बाट आन्दोलन गर्ने अवस्था बन्दै गएको महासंघका उपाध्यक्ष के.सी.लामिछानेले बताउनु भयो । आन्दोलन हाम्रो रहर हुदैन त्यसलाई आवश्यकता नवनाईदिन सबै संचारगृहहरुलाई नेपाल पत्रकार महासंघ प्रदेश २ को आग्रह लामिछानेले भन्नु भयो  ।