रौतहटको गरुडामा प्रहरी हिरासतमा रहेका बिजय रामको प्रहरी यातनाका कारण हत्या भएको बिरोधमा पर्साका दलीत समुदायले संगठीत रुपमा त्यसको बिरोध गरेका छन । हत्याकाण्डको बिरोधमा उनीहरुले आज बिरोध प्रर्दशन समेत गरेका छन । 

पर्साको सखुवाप्रसौनी गाउँपालिकाको श्रीपुर पांचगावमा संयुक्त दलित संघर्ष समितिको बिरोध प्रर्दशन गरेको हो । समितिले गरुडा इलाका प्रहरी कार्यालयका प्रमुख डिएसपी ज्ञान कुमार महतो सहित दोषी प्रहरीलाई कारवाही गर्न माँग गरेका छन ।पीडितलाई क्षतीपूर्ती ,निरन्जन रामका हत्यारालाई कारवाही र निर्देषलाई रिहा गर्न माँग गरेको छ । 

सखुवाप्रसौनी गाउँपालिकाको श्रीपुर औराहा पाचगावामामा प्रर्दशन पछि कोण सभा सम्पन्न गरिएको थियो । साउन ३१ गते जिगडीयाका निरन्जन रामको धारिले हतियारले घाँटी रेटेर फालिएको अवस्थामा  शलव फेला परेको थियो । प्रहरीले अनुसन्धानको क्रममा सोही ठाँउका २० वर्षीय अजयकुमार रञ्जन, १९ का बिवेक यादव, १९ का अर्जुन राम, १९ का सिकिन्द्र राम, २० का विजयराम चमार, शेख आजादसहित ७ जनालाई पक्राउ गरेको थियो। उनीहरु बिरुद्ध प्रहरीले भदौ १ गते  कर्तब्य ज्यान अन्र्तगत मुद्धा दर्ता गरेर अनुसन्धान शुरु गरेको थियो  ।

अनुसन्धानकै क्रममा प्रहरीको यातनाका कारण बिरामी भएका बिजय रामलाई बीरगंजको नेशनल मेडिकल कलेजमा उपचारकोलागि भर्ना गरिएको थियो । उपचारको क्रममा उनको भदौ १० गते मृत्यु भएको थियो । उनको शव अहिले पनि काठमाण्डौ महाराजगंज शिक्षण अस्पतालमा रहेको छ । 

यातनाका कारण भएको हत्याको बिरुद्ध पर्साका दलती समुदायले बिरोध प्रर्दशन गर्दै हत्यारालाई कारावाहीको माँग गरेका छन ।

 कार्यक्रममा दलित अगुवा लाल बिहारी राम , हरिलाल राम, शुबा राम, महिन्द्र राम, शिवनारायण राम, नन्दलाल राम, दिपेन्द्र राम, परमानन्द राम , पहलाद राम, धुरी रामले आ आफनो बिचार ब्यक्त गर्नु भएको थियो ।  पिस फोर दलित  फाउन्डेसन नेपालको अध्यक्ष  मनोज रामले कार्यक्रम संचालन गर्नु भएको थियो ।आजको भेलाले लाल बिहारी रामको अध्यक्षतामा  संयुक्त दलित संघर्ष समिति , पर्सा गठन पनि गठन गरेको छ ।

यसैवीच बिजय रामको मृत्यूको घटना छानविनका लागी एकजना प्रहरी निरिक्षक सहित ३ जना प्रहरी निलम्वित भएका छन ।

इलाका प्रहरी कार्यालय गरुडा रौतहटको हिरासतमा रहेका विजय रामसंग सोधपुछमा संलग्न जिल्ला प्रहरी कार्यालय, रौतहटमा कार्यरत प्रहरी निरिक्षक नविन कुमार सिंह, प्रहरी हवल्दार हिरोज मियाँ धुनिया र प्रहरी हवल्दार मन्नु कुमार सिंहलाइ ६ महिनाको लागी निलम्वित गरेको हो ।

घटनाको अनुसन्धान तथा जाँचबुझ समाप्त नहुन्जेलसम्मको लागी निलम्वन गर्न जिल्ला प्रहरी कार्यालय रौतहटको पत्र अनुसार प्रहरी निरिक्षक नविन कुमार सिंहलाइ गृह मन्त्रालयको सचिवस्तरको भदौ १५ को निर्णय र प्रहरी हवल्दार हिरोज मियाँ धुनिया र मन्नु कुमार सिंहलाइ प्रदेश प्रहरी कार्यालय जनकपुरले ६ महिनाको लागी निलम्वन गरेको छ ।

निरन्जनको हत्या गरेको स्विकार नगरेको भन्दै हिरासतमा प्रहरीले दुइदिन सम्म रड, बासको भाटा र बुटले पिटेर यातना दिएको भन्दै बिजयले बोलेको भिडियो पनि सार्वजनिक भएको थियो