अस्पतालमा भएको तोडफोडको घटनाको तीन दलले गरे भर्त्सना,संयमता अपनाउन अपिल

8/9/2020 गते 00 00 मा प्रकाशित 892 पटक पढिएको

पर्सामा क्रियाशिल तीन राजनीतिकदलले आज बीरगंजको नारायणी अस्पतालमा भएको तोडफेडको घटनाको घोर
भर्त्सना गरेका छन ।

कोभिड अस्पतालका इन्चार्ज डा. उदयनारायण सिंहको गाडीमा भएको तोडफोड र अस्पतालमा गरिएको ढुंगामुढाको नेकपा ,नेपाली कांग्रेस र जसपाले बिरोध गरेका छन । तीनै दलले आगामी दिनमा यस्तो घटना पुनः नदोहोर्‍याउन सम्पुर्ण नागरिकलाई अपिल समेत गरेका छन ।

नेकपाका पर्सा अध्यक्ष प्रभू हजरा ,नेपाली कांग्रेसका सभापति अजय कुमार द्विवेदी र जसपाका अध्यक्ष रामनरशे यादवले संयुक्त बिज्ञप्ति जारी गरि कोभिड–१९ बाट सङ्क्रमितहरुको उपचारमा डाक्टर, स्वास्थ्यकर्मी, एम्बुलेन्स चालक, सरसफाई कर्मचारी, सुरक्षाकर्मिहरु प्रत्येकरूपमा सेवा दिइरहेको सर्बबिधितनै छ । ज्यान जोखिममा राखेर दिन रात मानवजिवनको रक्षामा खटिरहनुभएका ती फ्रन्टलाइनरहरु प्रति आभार ब्यक्त गर्नु भएको छ । ।

त्यसैगरी करोना महामारीको नाममा अन्य प्रकृतीका विरामीहरुको उपचार नगर्ने स्वास्थ संस्थाहरुको रवैयाको समेत तीनै दलले भत्र्सना गरेका छन ।

बिरामीलाई उपचार गर्न नमान्दा भएको अपूरणीय क्षतीको बिषयमा छानबिन गरि त्यस्ता घृणित कार्यमा संलग्न स्वास्थ संस्था, अस्पताल एवम् कर्मचारीलाई कडा भन्दा कडा करवाही गर्न जिल्ला प्रशासन कार्यालय पर्सासँग जोड्दार माग गर्दछौं बिज्ञप्तिमा भनिएको छ।

तीनै दलले सबै अस्पतालहरुलाई अफना नियमित सेवा संचालन गरेर आवश्यक नागरिकलाई सेवा दिन समेत आग्रह गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।