बीरगंज महानगरपालिका प्रमुख बिजय कुमार सरावगीले बीरगंजमा निषेधाज्ञा लगाउन माँग गर्नु भएको छ । कोरोना भाइरसको संक्रमण समुदाय स्तरमा फैलिएपछि महानगर प्रमुख सरावगीले निषेधज्ञा लगाउन माँग गर्नु भएको हो । 

कोरो भाइरसको संक्रमणका कारण बीरगंज महानगरपालिका वडा नं ६ मध्य बीरगंजको मिना बजारका एक ७० वर्षिय बृद्धको मृत्यु भएपछि बीरगंजको अवस्था निकै अन्यौलपूर्ण भएको बेलामा महानगर प्रमुखले निषेधाज्ञाको माँग गर्नु भएको हो । 

उहाँले स्थानीय प्रशासनको लापरवाहीका कारण बीरगंजमा संक्रमण समुदाय स्तरमा फैलिएको आरोप लगाउनु भयो । बीरगंज पथलैया औधोगिक करीडोरमा रहेका उधोग प्रतिष्ठानहरुमा अधिकांश मजदुरहरु भारतीय रहेका छन । लकडाउनको समयमा पनि उनीहरु बीरगंज प्रवेश गरेका छन र यो क्षेत्रका उधोगहरु संचालनमा छन । सीमा क्षेत्रबाट अनधिकृत कारोवारमा संलग्न ब्यक्तिहरु बीरगंज र सीमापार आवत जावत भइरहेको छ । सैयौ मान्छे दैनीक तस्करीका सामान बोकेर बीरगंज प्रवेश गर्छन ।

बीरगंजमा रक्सौलका कतिपय ब्यापारीको पसलहरु छन ति ब्यपाराीहरु दैनीक पसल खोलन आउनछन र राती उै फर्किन्छ । यसरीमा सीमापारका मान्छेहरु प्रहरीलाई केही रुपैया दिएको भरमा नेपाल प्रवेश गर्न पाइरेको बिभिन्न स्रोतको दावी छ । 

बीरगंज महानगरका प्रमुख सरावगीको बुझाई पनि यस्तै कारणले कोरोनाको संक्रमण बीरगंजमा समुदाय स्तरमा फैलेको हो भन्ने छ । बीरगजमा चिकित्सकमा संक्रमण फेला परेको छ । कोरोना भाइरसको परिक्षण गर्ने ल्याबमा गएकी महिलामा कोरोना भाइरसको संक्रमण भएको दावी उहाँका आफन्तजनको छ । परिक्षण गर्ने प्रयोगशाला संक्रमीत भएको दावीले कैयौ प्रश्नहरु समेत उब्जाएको छ । 

महानगर प्रमुख सरावगीले परिक्षणको गती बढाएर संक्रमीतहरुलाई आइसोलेट गर्ने कुरामा ढिलाई गर्न नहुने बताउनु भयो । २० हजार नागरिकको कोरोना भाइरसको परिक्षण गर्न सक्ने गरि हामी तयारी अवस्थामा छौ  उहाँले भन्नु भयो ।

उहाँले कोभिड अस्पतालको ब्यवस्थापनको जिम्मेवारी प्रदेश सरकारको भएपनि उसले कुनै पहल नगर्दा गण्डकलाई महानगरको प्रयासमा कोभिड अस्पताल बनाएर चलाएको स्मरण गर्दै अव सम्झौता सकिन लागेको छ  कोभिड अस्पताल कसरी संचालन गनेृ भन्ने कुरमा प्रदेश सरकारको ध्यानकर्षण होस भन्नु भयो । 

महानगरले ५० हजार घरका एक एक जनाको कोरोना परीक्षण गर्ने योजना राखेको छ । यसका लागि ३५ जना स्वास्थ्यकर्मीलाई तालीम दिएर स्वाब संकलन केन्द्रसमेत तोकिसकिएको महानगरले बताएको छ । 

महानगरको योजना अन्योलमा परेपछि स्थानीय समितिमार्फत स्वीकृतिका लागि केन्द्रीय संयन्त्रलाई पत्र पठाइएको प्रमुख सरावगीले बताउनु भयो  ।

महानगरले स्वास्थ्य तथा जनसंख्या मन्त्राललाई पनि समन्वय र सहयोगका लागि पत्राचार गरेको छ ।तर स बिषयमा माथिल्लो निकायले कुनै निर्देशन अहिले सम्म नदिएको प्रमुख सरावगीले बताउनु भयो । 

महानगरले  द्रुत परिक्षणकालागि पिसीआर मेशीन खरिद गरेर नारायणी अस्पतालमा जडान गरेको छ । २५ हजार भीटीएम किट, २ हजार आरटी पीसीआर कोभिड टेस्ट किट र २ हजार आरएनए एक्सट्रयाक्सन किट खरीद गरिसकेको छ । २० हजार नागरिकको कोरोना भाइरसरको संक्रमण परिक्षण गर्न सक्ने तयारी अवस्थामा बीरगंज भएपनि परिक्षणको इजाजत नदिनुलाई अर्थपूर्ण रुपमा हेरिएको छ ।