बिन्दवासनी गाँउपालिकाद्वारा ११० पत्रकारहरुलाई राहत सामग्री बितरण

7/3/2020 गते 00 00 मा प्रकाशित 966 पटक पढिएको

कोरोना भाईरसको जोखिममा अग्रमोर्चामा रहेर समाचार समप्रेष्ण गर्दै आइरहेका पर्साका पत्रकारलाई इम्युनिटी बढाउने खाद्य समाग्री बितरण गरिएको छ ।

बिन्दवासीनी गाउँपालिकाले खाद्य सामाग्री बितरण गरेको हो । कोरोना संक्रमणको उच्च जोखिमको वीचमा बाट नागरिकलाई सूसूचीत पार्ने काममा अहोरात्र खटिरहेका पर्साका १ सय १० जना पत्रकारहरुलाई स्वास्थ्य सुरक्षा तथा खाद्य सामाग्री बितरण गरिएको हो ।

नेपाल पत्रकार महासंघ पर्साको सभाहलमा आज शुक्रबार एक कार्यक्रमका बिच गाउँपालिका उपाध्यक्ष किरण देवी गुप्ताले पत्रकारलाई समाग्री हस्तान्तरण गर्नु भएको हो ।

सो अवसरमा बोल्दै उपमेयर गुप्ताले कोरोनाको संक्रमण बढ्दै जाँदा स्वास्थ्यकर्मी, सुरक्षाकर्मी जस्तै फिल्डको रिपोर्टिङमा खटिने सञ्चारकर्मी पनि जोखिममा रहेको भन्दै ईम्युनिटि पावर बढाउने स्वास्थ्य सुरक्षा सामग्री उपलव्ध गराएको बताउनु भयो

। नेपाल पत्रकार महासंघ पर्साका अध्यक्ष श्याम बन्जाराले स्वास्थ्य सामग्री उपलव्ध गराउने पालिकालाइ धन्यवाद दिँदै विश्वव्यापी संकटलाई मिलेर सामना गर्नुपर्ने बताउनु भयो । कार्यक्रममा पर्सेली संचारकर्मीहरुको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।