प्रस्तावित नागरिकता बिधयेक बिरुद्ध नागरिक अभियानको अगुवाईमा बीरगंजमा बिरोध प्रर्दशन

7/1/2020 गते 00 00 मा प्रकाशित 893 पटक पढिएको

राज्य व्यावस्था तथा सुशासन समितिले पारित गरेको नागरिकता विधेयकको बिरोधमा बुधवार वीरगंजमा बिरोध प्रर्दशन गरिएको छ ।

कम्युनिष्ट सरकारले विभेदकारी नागरिकता विधेयक ल्याएको भन्दै त्यसलाई फिर्ता गर्नु पर्ने माग गरेका गर्दै प्रर्दशन गरिएको हो ।

कम्युनिष्ट सरकारले राष्ट्रवादको नाममा विभेदकारी नागरिकता विधेयक ल्याएर परम्परादेखीको भारत र नेपाल बिचको सम्बन्ध बिग्रान खोजेको बिरोध प्रर्दशनका सहभागिहरुले आरोप लगाएका छन् ।

प्रर्दशनमा नागरिक समाजका बिभिन्न सरोकार समुहको सहभागिता रहेको छ । नागरिक समाजको आव्हानमा आयोजना गरिएको बिरोध प्रर्दशनमा नेपाली कांग्रेस र जनता समाजवादी पार्टीका नेता तथा कार्यकर्ताको सहभागिता रहेको छ ।

बीरगंजको मुख्य शहर परिक्रमा गरि घण्टाघरमा सभा सम्पन्न भएको थियो । सभामा नागरिक सभाजको तर्फबाट डा. दीपक शाक्य, बिन्दवासिनी गाउँपालिका उपप्रमुख किरण देवी गुप्ता र जनता समाजवादी पार्टीका नेता शशीकपुर मियाले मन्तब्य ब्यक्त गनुृ भएको थियो । वक्ताहरुले सरकारले विधेयक फिर्ता नलिए आन्दोलन झनै कडा पार्ने चेतावनी दिएका छन् ।

प्रर्दशनमा बीरगंज महानगरपालिकाका मेयर बिजय कुमार सरावगी उपमेयर शान्ति कार्की नेपाली कांग्रेस र जनता समाजवादी पार्टी पर्साका नेताहरुको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।