निर्णयमा पूर्नविचार नगरिए आमरण अनशन बस्ने केन्द्रीय सदस्यको चेतावनी

इसीमाना सम्वाददाता २०७९ भदौ १८ गते १०: ४७ मा प्रकाशित 510 पटक पढिएको

जनता समाजवादी पार्टी पर्सा क्षेत्र नम्बर १ को (क) को प्रदेश सभा सदस्यको उम्मेदवारी सिफारिश विवादमा परेको छ ।

एउटा पक्षले प्रदेश सभा सदस्य पदको लागि पुन नेता कार्यकर्ताहरुको भेला गराई अर्को निर्णय गर्नुपर्ने माँग राखेको छ । पार्टीका केन्द्रीय सदस्य फिरोज मियाँ मंसूरीले अर्को भेलाको माँग राखी पार्स पार्टी नेतृत्वलाई शनिवार ज्ञापन पत्र बुझाएका छन ।

मंसूरीको नेतृत्वमा रहेको पार्टीका नेता कार्यकर्ताहरुले पार्टीका जिल्ला अध्यक्ष राम नरेश यादवलाई ज्ञापन पत्र बुझाएका हुन । २४ घण्टाभित्र पर्सा क्षेत्र नम्बर १ को भेला गराई (क) तर्फको प्रत्यक्ष तथा समानुपातिक उम्मेदवारको नाम टुङ्गो लगाउन माँग गरेका छन।

२४ घण्टा भित्र पार्टीले माँग पुरा नगरे आमरण अनशन बस्ने चेतावनी समेत केन्द्रीय सदस्य मंसूरीले दिएका छन ।

अन्य उम्मेदवार हुदाँहुदै पनि वर्तमान प्रदेश सभा सदस्य जन्नत अंसारीको नाम एक्लौटी रुपमा सिफारिस गरेपछि पार्टी भित्र विवाद शुरु भएको हो ।

क्षेत्र नम्बरको १ को क्षेत्रिय भेलाले अंसारीलाई प्रदेश सभा सदस्यको लागि सिफारिसको निर्णय गरेपछि पार्टी भित्र नै विवाद शुरु भएको हो ।

पार्टीका केन्द्रीय सदस्य फिरोज मियाँ मंसूरी र पार्टीकै मधेश प्रदेश समिति उपाध्यक्ष बृजमोहन तिवारीले यसअघि संयुक्त प्रेस विज्ञप्ती जारी गर्दै अलोकतान्त्रिक तवरमा प्रदेश सभा सदस्यमा गरिएको सिफारिस कुनैपनि हालतमा मान्य नहुने चेतावनी समेत दिएका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।