निर्वाचन आयोगलाई निर्वाचन आचार सहिता देखाउने खोस्टो हो की कार्यान्वयन गर्नकालागि गरिएको प्रवन्ध हो भन्दै नेकपा एमालेका नेता शिव पटेलले प्रश्न उठाएका छन छ ।

नेपाल पत्रकार महासंघ पर्साको सभाकक्षमा पत्रकार सम्मेलन गर्दै नेता पटेलले निर्वाचन आचार सहिताको चीरहरण हुदा समेत आयोग मौन रहेको प्रति असन्तुष्टि जनाए । बहुदरमाई नगरपालिकामा नेकपा एमालेको तर्फबाट प्रमखका उम्मेदवार समेत रहेका पटेलले विपक्षी दलले निर्वाचन अचारसंहिता ठाडै उल्लेघन गरिरहेपनि निर्वाचन कार्यालय र स्थानीय प्रशासनले कुनै वास्ता नगरेको आरोप लगाएका छन्।

नेता पटेलले निर्वातमान मेयर र वडाध्यक्षहरुले रकमको चलखेल गरेर मतदातालाइ प्रभावित पार्ने काम गरिरहेको आरोप लगाए। रकमी चलखेलको जनताले प्रतिवाद गर्दा वादविवाद र झडप पनि भएको तर निर्वाचन कार्यालय र प्रहरी प्रशासन भने मुकदर्शक बनेर बसेको पटेलले आरोप लगाए।

बैशाख ३० को मिति नजिकदै जाँदा दुई चार दिनयता देखि दिनहुँ विपक्षी दलका उम्मेदवारहरुले गलत हर्कत र गतिविधिीगर्दै आएपछि जनताले प्रतिवाद गर्दा अवस्था तनावपूर्ण बन्दै गएको पटेलले बताए। यसअघि पैसाको बलमा फेरि चुनाव जिति हाल्छौ भनेकाहरुले नै अहिँले रकम बाँडेर मतदातालाइ प्रभावित गर्न खोजी रहेको उनले बताए।

दुई दिन पहिले वडा नम्बर २ सिसिँयाडी बैरीयामा निवर्तमान वडाध्यक्ष र अहिलेका कांग्रेस उम्मेदवार जितेन्द्र पटेलले रातिको ११ बजे पैसा बाड्न आएका बेला जनताले प्रतिवाद गर्दा अवस्था निक्कै तनावपूर्ण बनेको उनले बताए।

आइतबार रातिपनि वडा नम्बर ९ विश्रामपुरमा निवर्तमान मेयरसमेत रहेका कांग्रेसका मेयर उम्मेदवार नितेन्द्र साहले एउटा घरमा बसेर रकमको चलखेल गर्न खोज्दा स्थानीयले घेरा हालेर प्रतिवाद गरेको र त्यसक्रममा एक जनाको हात पनि भाचिएको पटेलले बताए। तर आरोप भने उल्टै एमालेका उम्मेदवारहरु माथि लागेको भन्दै पटेलले भने,‘हामीलाई पैसाले भोट किन्ने आवश्यकता नै छैन, जनता माथि भरोसा छ, हामी जनताको मतले चुनाव जित्दैछौं।

बहुदरमाइ नगरपालिकामा दिनहुँ यस्ता घटना भइरहेपनि निर्वाचन कार्यालय र प्रहरी प्रशासनले भने कुनै कदम नउठाएकाले अवस्था झन बिग्रने खतरा देखिएको पटेलले बताए।

बैशाख २७ गते रातिदेखि मौन अवधी सुरु हुने र त्यो अवधीमा पैसाको चलखेल झन धेरै हुने सम्भावना देखिएको भन्दै पटेलले भने,‘प्रहरी प्रशासनलाई म आग्रह गर्छु, अबको ४ दिन जोगाइ दिनुस् नत्र अवस्था झन भयावह पनि हुन सक्छ। उनले निर्वाचन स्वच्छ र निष्पक्ष बनाइ दिन निर्वाचन कार्यालय र प्रहरी प्रशासनसंग आग्रह पनि गरे।

पत्रकार सम्मेलनमा नेकपा एमालेका केन्द्रीय सदस्य राजकुमार गुप्ता, उपमेयरका उम्मेदवार सुष्मा कुशवाहा लगायतको सहभागिता रहेको थियो । कार्यक्रमको अध्यक्षताप्रेस चौतारी नेपाल पर्साका अध्यक्ष श्याम बन्जाराले गरेका थिए ।