अगामी वैशाख ३० हुने स्थानीयचुनावको सरगर्मी वीरगञ्जमा बढ्दो छ । वीरगञ्ज महानगरपालिकाका मेयर विजयकुमार सरवागीले फेरी मेयरमा उठ्ने घोषणा गरेसँगै यहाँको राजनीतिमा तरंग ल्याइदिएको छ ।

अघिल्लो चुनावमा तेस्रो स्थान हासिल गरेका तत्कालिन राजपाका उम्मेदवार राजेशमान सिंहले यसपाली जसपा प्रवेश गरी उम्मेदवारी दिने तयारीमा छन् । जसपाका सांसद प्रदीप यादव सिंहलाई लिएर विहान र सांझ घरदैलो दौडाहामा छन् । कार्यकर्तालाई रिझाउन दुबैले सस्तो प्रचारवाजीको सहारा लिएका छन् ।

गत बिहीबार वीरगञ्ज महानगरपालिकाको वडा नं. २६ सुगौलीविर्तामा आयोजित चुनावी सभामा सांसद यादवले मेयर सरावगीले पछिल्लो २ वर्षमा कुमारी बैंकमा ५० करोड रुपैयाँ फिक्सड डिपोजिट गरेको दाबी गरे ।

सम्पत्ति शुद्धिकरण विभागले उक्त सम्पत्तिबारे छानबिन गर्नुपर्ने यादवले भनेपछि चुनावी सभामा भेला भएका कार्यकर्ताले ताली पिटेका थिए । तर सत्य कुरा के भने बिजय सरावगीको नाममा कुमारी बैंकमा कुनै खाता नै छैन । आफ्ना ग्राहकको बिषयमा बैंकले कुनैपनि सूचना राष्ट्र बैंकलाई बाहेक अरुलाई दिन मिल्दैन ।

आफना ग्राहकको बैंकीङ अवस्था श्रीमानको भए श्रीमतीलाई त नदिने प्रचलन रहेकोमा देशको सांसद जस्तो जिम्मेवार मान्छेले गैर जिम्मेवार अभिब्यक्ति दिएकोमा वीरगञ्जको बौद्धिक जगत निराश भएको छ ।

कुमारी बैंकमा आफ्नो कुनै खाता नरहेको स्वयं सरावगीले जानकारी दिएका छन् । सम्पति शुद्धीकरण विभागलाई सूचना नदिई माननीय जस्तो व्यक्तिले सस्तो प्रचारवाजीका लागि कार्यकर्ताको वीचमा तथ्यहीन कुरा बोल्दै हिँड्को सचेत नागरिकले गुनासो गरेका छन् । वीरगञ्ज १७ का अजय साहले सरावगीलाई हराउन कुनैै एजेण्डा नभएपछि बिरोधीहरुले झुठको खेती गर्दै बर्बराउन थालेको बताए ।

उनका अनुसार अव सरावगीका बारेमा आरोप लगाउने कुनै तथ्यपूर्ण आधार नभएपछि यस्ता खालको प्रचारमा बिरोधीहरु उत्रिन थालेका हुन् । कस्तोखालको राजनीतिक चरित्र बोकेका छन् यसैले स्वतः प्रष्ट भएको उनी बताउँछन् । एमाले मेयरका प्रत्यसी बिजयकुमार सरावगीले कुमारी बैंकको खातामा पैसा रहेको पुष्टि गर्न आरोप लगाउनेहरुलाई चुनौती दिएका छन् ।

तथ्यहिन कुराको साहरा लिएर एमालेको जनाधार कमजोर बनाउन नसकिने उनको प्रतिक्रिया छ । ‘प्रदेशमा सांसद यादवकै पार्टीका मुख्यमन्त्री छन्, केन्द्रमा बनेको ५ दलीय गठबन्धनमा उनको पार्टीले महत्वपूर्ण मन्त्रालय लिएर राजकाज चलाइरहेको छ,’ माइस्थानका राजिव साहले भने, ‘राज्यका सबै मेसिनरीमा सांसदको पहुच छ, तैपनि सस्तो प्रचारवाजीका लागि कार्यकर्ताबीच तथ्यहीन कुरा गर्दै हिँड्नु शोभनीय विषय हैन् ।’
केहीदिन अगाडि जसपाका मेयरका उम्मेदवार राजेशमान सिंह र सांसद यादवले सिटिङ मेयर विजयकुमार सरवागीले आफ्नो कार्यकालमा थुप्रै भ्रष्टचार गरेको एक चुनावी सभालाई सम्बोधन गर्ने क्रममा दाबी गरे ।

मेयरले गरेको भ्रष्टचारको फाइल अध्ययनगरि मेयरलाई हत्कडी लगाउने दाबी समेत गरे । ‘जब आफ्नै दलको मुख्यमन्त्री छ, आफ्नै दलको संघीय सरकार छ, अनि अहिले नै छानबिन गरि हत्कडी लगाउने कि चुनावी माइलेजका लागि तथ्यहीन कुरा बोल्दै हिँड्ने ?’ रानीघाटका विकाश चौरसिया भन्छन्, ‘यस्तै तथ्यहीन कुरा गर्दै हिँड्ने नेताहरुको कारण हाम्रो वीरगञ्ज दिनप्रतिदिन पछाडि पर्दै गइरहेको छ ।

’ मधेश आन्दोलन पछि जनताले वीरगञ्जको मेयर मात्र नभई प्रदेशको मुख्यमन्त्री र संघीय सांसद समेत जिताएर पठाए । चौरसियाका अनुसार विकासका पूर्वाधार बनाउन होडबाजी हुनुपर्नेमा आफ्नै पार्टीका मेयरलाई कसरी असफल बनाउने षडयन्त्र मात्रभए ५ वर्षमा । सिमित स्रोतसाधनका बावजुद जनताको मन जित्न सफल भएका मेयरका विरुद्ध माननीय जस्तो व्यक्तिले तथ्यहीन कुरा गर्दै हिँड्नुलाई महानगरवासीले बुझ्न थालेका छन् ।