एमाले ठोरीले गर्यो उम्मेदवारको सिफारिश

इसीमाना सम्वाददता २०७८ चैत २५ गते ०८: २१ मा प्रकाशित 464 पटक पढिएको

बैशाख ३० गते हुने स्थानीय तहको निर्वाचनका लागि नेकपा एमालेको तर्फबाट ठोरी गाउँपालिका अध्यक्ष र उपाध्यक्षका उम्मेदवारहरुको नाम आज सिफारिस गरेको छ ।

एमाले ठोरीको गाउँपालिका अध्यक्षको उम्मेदवारमा लाल बहादुर श्रेष्ठ, गोबिन्द प्रताप श्रेष्ठ र रुपा पौडेललाई सिफारिस गरेको छ भने उपाध्यक्षमा गोकुली कुमारी रेग्मी, सानुमाया थिङ र खडग बहादुर श्रेष्ठलाई सिफारिस गरेको छ ।

ठोरीको राइधारामा बसेको एमाले ठोरी गाउँपालिका कमिटीको बैठकले अध्यक्ष र उपाध्यक्षका उम्मेदवारहरु सिफारिस गरेको एमाले ठोरीका अध्यक्ष खगेन्द्र श्रेष्ठले बताउनु भयो बैठकले गाउँपालिका कमिटी अध्यक्ष खगेन्द्र श्रेष्ठको संयोजकत्वमा २५१ सदस्यीय निर्वाचन परिचालन समिती, केशव प्रसाद रेग्मीको संयोजकत्वमा ११ सदस्यीय चुनावी घोषणापत्र समिति, अप्सरा स्याङ्तानको संयोजकत्वमा २१ सदस्यीय जन सांस्कृतिक मञ्च ठोरी र २५ सदस्यीय सचिवालय समिति समेत गठन गरेको एमाले ठोरीले जनाएको छ ।

उक्त बैठकमा नेकपा माओबादी केन्द्र परित्याग गरि ७० जना नेकपा एमालेमा प्रवेश गरेको एमाले ठोरीका अध्यक्ष श्रेष्ठले बताउनु भयो ।
गाउँपालिका कमिटी अध्यक्ष श्रेष्ठको सभापतित्वमा सम्पन्न बैठकमाा जिल्ला समन्वय समितिका उप सभापति ठाकुर न्यौपाने नेताहरू लाल बहादुर श्रेष्ठ, गोकुली रेग्मी, राजेश लामा, याम बहादुर बस्नेत, केशव बिक, मिना गिरि, पार्वती सुवेदी, उद्धव सापकोटा, गोबिन्द प्रताप श्रेष्ठ, खडग श्रेष्ठ, गणेश बहादुर बोहोरा, देवजंग पण्डित, बाल कुमार बस्नेत लगायतको सहभागिता रहेको थियो । बैठकको संचालन गाउँपालिका कमिटीका सचिव जगेन्द्र पौडेलले गर्नु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।