मधेशीमाथिको बिभेद कायमै रहेकोले आन्दोलनपनि जारी छः अध्यक्ष ठाकुर

इसीमाना सम्वाददाता २०७८ चैत १९ गते ०८: ३६ मा प्रकाशित 441 पटक पढिएको

लोकतान्त्रिक समाजवादी पार्टीका अध्यक्ष महन्थ ठाकुरले मधेस आन्दोलन अहिले पनि जारी रहेको बताउनु भएको छ । मधेशीमाथिको सामाजिक, कानुनी र आर्थिक विभेद् अहिले पनि जारी रहेको बताउदै आन्दोलन पनि जारी रहेको बताउनु भएको हो ।

पार्टीले बीरगंजमा आयोजना गरेको स्वभिमान सभालाई सम्बोधन गर्दै अध्यक्ष ठाकुरले मधेसका मुद्दा सम्बोधन नभएसम्म मधेस आन्दोलन निरन्तर चलिरहने बताउनु भयो ।

पार्टीका बरिष्ठ नेता राजेन्द्र महतोले एक दुई जना अवसरवादी र भगौडा नेताले मधेसी दल छाडेर जाँदैमा मधेसको मुद्दा र मधेसवाद समाप्त नहुने बताउनु भयो ।

मधेसले आंशिकरुपमा मात्रै आफ्नो अधिकार पाएको भन्दै नेता महतोले बाँकी अधिकार प्राप्तीका लागि छिट्टै अर्को मधेस आन्दोलन सुरु हुने दावी गर्नुभयो ।

महतोल झापादेखि कञ्चनपुर जिल्लासम्म २२ जिल्ला मधेस प्रदेश हुनुपर्ने माग आफूहरुको रहेको बताउदै २२ जिल्लाको मधेस प्रदेश भए प्रादेशिक राजधानी वीरगन्ज हुने आश्वासन दिनु भयो ।

अर्का नेता अनिल झाले लोकतानित्रक समाजवादी पार्टीमात्र वास्तविक रुपमा मधेशी जनताको आफनो पार्टी भएको बताउनु भयो । कार्यक्रममा लोसपा नेता सर्वेन्द्रनाथ शुक्ला लक्ष्मणलाल कर्ण, प्रहलाद गिरी ,रमेश पटेल शशीकपुर मिया लगायतका नेताहरुले पनि सम्बोधन गर्नु भएको थियो ।

लोसपा पर्साका अध्यक्ष पुरुषोत्तमलाल झाको अध्यक्षतामा भएको सभाको संचालन पार्टीका महानगर अध्यक्ष ओमप्रकाश सर्राफल गर्नु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।