मधेश प्रदेश मिडिया काउन्सिलको आयोजनामा बीरगंजमा संचार माध्यम र संचारकर्मीकालागि आचार संहिता सम्बन्धी सूझाव संकलन कार्याशाला गोष्ठी सम्पन्न भएको छ ।

होटेल कुमु प्यालेसमा आयोजना गरिएको गोष्ठीको प्रदेशका मुख्यमंत्री लालबाबु राउतले उद्धघाटन गर्नु भयो । गोष्ठीलाई सम्बोधन गर्दै मुख्यमंत्री राउतले प्रत्रकारहरुकोलागि प्रदेश सरकारले केही काम गर्न खाजेको र त्यो निरन्तर रहने बताउन भयो ।

उहाँले प्रदेश सरकारले संचार ऐन बनाएर मिडियामैत्री काम गर्न खाजेको बताउनु भयो । उहाँले सरकारले पत्रकार कल्याण कोष निर्माण, बिमा जस्ता कार्यक्रमहरु गर्ने प्रतिवद्धता जनाउनु भयो ।

कार्यक्रममा आन्तरिक मामिला तथा संचार मंत्री भरत साहले सरकारले गर्न खोजेको भएपनि स्रोत र साधनको अभाव रहेको बताउनु भयो । संघ सरकारले कर्मचारी नदिदा आमसंचार प्राधिकरण र काउन्सिलमा कर्मचारीको अभाव रहेको कुरा सत्य रहेको बताउनु भयो ।

उहाँले पत्रकारिता पेशालाई मार्यदीत बनाउनकालागि आार सहिताको महत्व रहेको बताउदै आजको दिनमा पत्रकारितालाई जिम्मेवार बनाउन आवश्यक रहेको बताउनु भयो । कार्यक्रममा नेपाल पत्रकार महासंघका केन्द्रीय सचिव दीपेन्द्र चौहानले प्रदेश सरकारले गर्ने प्रतिवद्धता प्रति भरोसा गर्ने ठाउ नरहेको प्रष्ट पार्नु भयो । सरकारले गर्छु भन्छ तर गर्दैन त्यसलै भर गर्न नसकिने उहाँको भनाई थियो ।

नेपाल पत्रकार महासंघका केन्द्रीय सदस्य के.सी.लामिछानेले संचार ऐनले प्रवन्ध गरेका अन्य बिषयहरुप्रति सरकार मौन रहनु अर्थपूर्ण रहेको बताउनु भयो । श्रमजीवी पत्रकारको हितमा सरकार केही नबोलेको र स्वरोजगारमुलक संचार माध्यमको संरक्षणका सिन्को नभाचेको भन्दै उहाँले सरकारी रवैयाको आलोचना गर्नु भयो ।

उहाँले मिडिया काउन्सिलको स्वायततालाई सम्मान गर्न आग्रह गर्दै पत्रकारहरु पेशागत तथा भौतीक रुपमा असुरक्षीत रहेको प्रति सरकारले ध्यान दिन आवश्यक रहेको बताउनु भयो ।

कार्यक्रममा नेपाल पत्रकार महासंघका प्रदेश अध्यक्ष राजेश कर्ण, प्रदेश महासचिव श्याम बन्जारा पर्साका अध्यक्ष अनुप तिवारी, बाराका अध्यक्ष रेशम तिवारी लगायतले शुभकामना मन्तब्य ब्यक्त गनुृ भएको थियो ।

कार्यक्रममा बारा, पर्सा र रौतहटका तीन वटा समुहले प्रस्तावित आचार संहितामा समुहगत छलफल गरेर सुझाव प्रस्तुत गरेका थिए । पर्साबाट तुलसी भण्डारी, बाराबाट बसन्त भण्डारी लगायतले सुझाव प्रस्तुत गर्नु भएको थियो ।

कार्यक्रम मिडिया काउन्सिलका अध्यक्ष शिवहरी भट्टराईको अध्यक्षता र सदस्य बन्दना झाको संचालनमा सम्पनन भएको थियो । काउन्सिलका सदस्य कैलाश दास र अरविन्द मण्डलले बन्दसत्रको सहजीकरण गर्नु भएको थियो भने स्वागत काउन्सिलका प्रशासकीय प्रमुख मुनेश्वर यादवले गर्नु भएको थियो ।