राष्ट्रीय सभा निर्वाचनकालागि मधेशमा एमाले र लोसपाको गठबन्धन अन्सारी र यादव चुनाव मैदानमा

इसीमाना सम्वाददाता २०७८ माघ ६ गते ०३: ५३ मा प्रकाशित 479 पटक पढिएको

आगामी माघ १२ मा हुन लागेको राष्ट्रियसभा निर्वाचनका लागि मधेश प्रदेशमा नेकपा एमाले र लोकतान्त्रिक समाजवादी पार्टी बीच गठबन्धन भएको छ। जनकपुरधामको होटेल शुभममा पत्रकार सम्मेलनको आयोजना गरेर दुबै पार्टीले गठबन्धन घोषणा गरेका हुन ।

अब एमालेबाट अन्यतर्फ उसमान अन्सारी र लोसपाबाट महिलातर्फ रुपा यादवको उम्मेदवारी कायम रहने नकपा एमालेका सचिव मधेश प्रदेश यन्चार्ज रघुबीर महासेठले जानकारी दिनु भयो। मधेश प्रदेशमा एमालेबाट विना देवी र पर्साका उसमान अन्सारीले उम्मेदवारी दिएका थिए।

त्यस्तै लोसपाबाट महोत्तरीकी रुपाकुमारी यादवको उम्मेदवारी परेको थियो। एमालेको तर्फबाट उम्मेदवारी दिएकी बिनादेवीले उम्मेदवारी फिर्ता लिएकी छिन । अव एमालेका उसमान अन्सारी र लोसपाका रुपाकुमारी यादवको उम्मेदवारी कायम रहेको छ ।

गठबन्धन घोषणा कार्यक्रममा एमाले सचिव मधेश प्रदेश इन्चार्ज रघुवीर महासेठ र पोलिटब्युरो सदस्यद्वय जुली महतो लीलानाथ श्रेष्ठ राष्ट्रीय सभाका उम्मेदवार उसमान अन्सारी केन्द्रीय सदस्य प्रभू हजराकोपनि उपस्थिति रहेको थियो भने लोसपा मधेश प्रदेश संसदीय दलका नेता तथा प्रदेश कमिटी अध्यक्ष जितेन्द्र सोनल, लोसपा सचेतक परमेश्‍वर साहसहित दुवै दलका केन्द्रीय तथा प्रदेशस्तरीय नेताहरु पनि उपस्थित रहेका थिए।

मधेश प्रदेशबाट शशिकला दाहाल र सुमनराज प्याकुरेलको कार्यकाल आगामी फागुन २० गते सकिँदैछ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।