बीरगंजको बिपक्षमा जानेहरुलाई देखाईदिने बीरगंजका युवाहरुको चेतावनी, भने मुख्यमन्त्री चाहिँदैन, वीरगञ्जलाई बेच्न पाइँदैन

२०७८ पौष २४ गते ०४: ०१ मा प्रकाशित 508 पटक पढिएको

प्रदेश २ को राजधानी वीरगञ्जलाई तोक्नुपर्ने भन्दै वीरगञ्जमा प्रदर्शन सुरु भएको छ । मधेश आन्दोलनमा गर्विलो योगदान गरेको बीरगंजले संघीयता कार्यान्वयन सगै ठगिएको महशुस गर्दै आएको छ ।

मधेश आन्दोलन ताका त्यसका नेताहरुले बीरगंजलाई राजधानी बनाउने वाचा गरेको भएपनि आज उनीहरु वाचाबाट बिमुख भएका छन । त्यसैले मधेश आन्दोलनमा हिस्सा लिएका युवा नेताहरुको सहभागितामा आज वीरगञ्जका नागरिकले खबरदारी जुलुस प्रदर्शन गरेका हुन् ।

प्रदेश सरकार निर्माण हुदै गर्दा आज भन्दा चार वर्ष अगाडि पनि बीरगंजमा प्रदेशको राजधानीको माँग राखेर आन्दोलन भएको थियो । मुख्यमंत्रीमा लालबाबु राउतको चयन त्यो आन्दोलनलाई मत्थर बनाउनकालागि थियो भन्ने चर्चा अहिले पनि चल्छ ।

त्यसैले होला आफनै मुख्यमंत्रीका बिरुद्ध प्रदर्शनकारीहरुले आक्रोशपूर्ण नाराबाजी गरे । मधेश आन्दोलनलाई सार्थक बनाउन वीरगञ्जले खेलेको भूमिका र सहिदहरुको बलिदानीको मूल्यांकन गरेर वीरगञ्जलाई प्रदेश २ को राजधानी कायम गर्नुपर्ने उनीहरु माँग छ ।

वीरगञ्ज राजधानी बनाउने विपक्षमा जाने साँसदहरुलाई देखाइदिने चेतावनी समेत प्रदर्शनमा सहभागी यूवाहरुले दिएका छन् । मुख्यमन्त्री मुर्दावाद, मुख्यमन्त्री चाहिँदैन, वीरगञ्जलाई बेच्न पाइँदैन जस्ता नारा समेत प्रदर्शनकारीले लगाएका छन् । प्रर्दशनको संयोजन लोसपाका नेता राजेशमान सिंह , युवा नेता सुजीत गिरी ,मुकेश द्विवेदी लगायतले गरेका थिए

अहिले जनकपुरधाम प्रदेश २ को अस्थायी राजधानी हो । जनकपुरधामलाई नै स्थायी राजधानी बनाउन सत्तारुढ जसपा, नेपाली काँग्रेस, नेकपा एमाले र प्रतिपक्षी दल लोसपा तथा नेकपा एकिकृत समाजावदी समेत सहमत देखिएका छन् । प्रदेशको नामाकरणमा मात्र विवाद चलिरहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।