प्रदेश २ लाई एमालेमय बनाउने अभियान शुरू गरिएको नेताहरुको दावी
नेकपा एमालेका नेताहरूले प्रदेश २ लाई एमालेमय बनाउने अभियान शुरू गर्न लागेको बताएका छन् । पौष ८ गते पार्टी अध्यक्ष केपी ओलीको उपस्थितिमा पर्साको जगरनाथपुरमा गर्न लागेको सन्देश सभा तथा पार्टी प्रवेश कार्यक्रमको तयारीका लागि आयोजित जिल्ला कमिटी बैठकमा नेताहरूले त्यस्तो बताएका हुन् ।
गत चुनावमा परिस्थिति प्रतिकूल भएर अध्यक्ष ओली प्रदेश २ मा आउन नपाएको बताउँदै उनीहरूले यसपटक अध्यक्ष ओली प्रदेश २ मा केन्द्रित हुने बताएका छन् ।
बैठकमा बोल्दै पोलिटब्युरो सदस्य एवं प्रदेश सह ईन्चार्ज पुरूषोत्तम पौडेलले पार्टीबाट छुट्टिएको नेकपा समाजवादी सहितको गठबन्धन लाई एक्लै लडेर परास्त गर्नुपर्ने अवस्था रहेको बताए ।
उनले प्रदेश न. २ मा पहिलो पार्टी,राम्रो, बलियो र संगठित पार्टी बनाउन अघि बढ्नुपर्नेमा जोड दिए ।स्थानीय तह,प्रदेश र संसदमा एक नम्बर पार्टी हुनुछ ।
पर्साबाट अभियान शुरू हुँदैछ । उनले भने काम चोर प्रवृत्ति, काम नगरी ठूला कुरा गर्ने र काम नगर्ने प्रवृत्ति बढेको छ । त्यसलाई विस्तारै हटाउँदै जानुपर्छ । व्यवहार र चरित्र सुधार्नुपर्छ । पार्टी निर्माणसँगै र जनताको असल सहयोगी बन्नुपर्छ ।
बैठकले सभाको तयारीका लागि जिल्ला अध्यक्ष प्रभु हजरा संयोजकत्वमा जन परिचालन कमिटी, डाक्टर विश्वम्भर शर्माको नेतृत्वमा प्रचार प्रसार कमिटी, जिल्ला सचिव मनोज गुप्ता संयोजक रहेको १ सय १ सदस्यीय स्वयं सेवक परिचालन, नेता जय प्रकाश थारूको संयोजकत्वमा मञ्च व्यवस्थापन समिति गठन गरेको छ ।
त्यसैगरि पार्टी प्रवेशका लागि सूची तयार गर्ने, ईन्चार्ज, सह ईन्चार्ज, जिल्ला अध्यक्ष, पदाधिकारी, र प्रदेश सदस्य र स्थानीय पदाधिकारीसँग समन्वय गर्ने निर्णय बैठकले गरेको छ ।
जिल्ला अध्यक्ष हजराले सभामा ५० हजार नागरिकको सहभागिता गराउने लक्ष्य राखेकोले त्यसको तयारीमा लाग्न नेता कार्यकर्तालाई निर्देशन दिए ।
बैठकमा सपथ ग्रहण गर्न छुटेका जिल्ला कमिटी सदस्यहरूले सपथ ग्रहण समेत गरेका थिए । एमालेले पर्सामा १ सय ८५ सदस्यीय जिल्ला कमिटी गठन गरेको छ ।
सम्बन्धित शीर्षकहरु
सीमापारी/अन्तराष्ट्रिय
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
क्यानडामा रामकृष्ण ढकाल साँझ भब्य रूपमा सम्पन्न, बचत रकमबाट पशुपतिनाथ मन्दिरमा पुजा कार्यक्रम
टोरण्टो । असार १५ गते ईन्टरनेशनल म्युजिक डे को अबसर पारेर क्यानडाको ब्राम्प्टन शहरमा आयोजना गरिएको “रामकृष्ण ढकाल साँझ“ भब्य रूपमा सम्पन्न भएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सुटकेश भित्र २६ वर्षिया महिलाको शव, रौतहट प्रहरी अनुसन्धान गर्दै
,रौतहट । गौर नगरपालिका वडा नं २ की २६ वर्षिया रुबी कुमारी साहको शव सुटकेश भित्र फेला परेको छ ।
मानव सेवामा रक्तदान उत्कृष्ट मानवीय सेवा होः प्रदेश साँसद पटेल
वीरगन्ज । पर्साको बहुदरमाई नगरपालिका वडा नम्बर ४ को डोकैला चोकमा बहुदरमाई युवा समाजले आयोजना गरेको रक्तदान कार्यक्रममा एक महिला सहित ५२ जनाले रक्तदान गरेका छन्।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया