दावेदारीको गरेको पदमा प्यानलमा पर्न सकेनन पर्साका कांग्रेस नेताहरु, द्विवेदी र चौरसिया आमने सामने

इसीमाना सम्वाददाता २०७८ मंसिर २५ गते ०६: ०७ मा प्रकाशित 625 पटक पढिएको

नेपाली कांग्रेसको १४ औ राष्ट्रीय महाधिवेशनमा केन्द्रीय नेतृत्वकालागि समुहगत तथा ब्यक्तिगत उम्मेदवारी परेको छ । शेर बहादुर देउवाको समुहबाट उपसभापतिमा पूर्णबहादुर खड्का र विजय गच्छदार उम्मेदवार भएका छन ।

यस्तै महामन्त्रीमा डा. प्रकाशशरण महत र प्रदिप पौडेलको उम्मेदवारी परेको छ । देउवा र सिटौला वीचको सहकार्यको परिणाम हुन युवा नेता प्रदीप पौडेल । उनी सिटौला समुहको तर्फबाट देउवा प्यानलमा मिसिएका हुन् ।

कोइरालाको प्यानलमा उपसभापतिमा चन्द्र भण्डारी र धनराज गुरुङ रहेका छन छ । यस्तै महामन्त्रीमा मिनेन्द्र रिजाल र गगनकुमार थापा छन् ।

प्रकाशमानले आफ्नो प्यानलबाट उपसभापतिमा सुजाता कोइराला र महामन्त्रीमा विश्वप्रकाश शर्मालाई अगाडि सारेका छन ।
कांग्रेस सभापतिका लागि बिमलेन्द्र नीधि कल्याण गुरुङ र युवराज न्यौपानेले पनि उम्मेदवारी दर्ता गरेका छन् ।

पर्साबाट मधेशी र थारु क्लस्टरबाट सहमहामंत्रीमा उम्मेदवारी घोषणा गरेका दुबै नेता समुहमा पर्न सकेनन । सुरेन्द्र प्रसाद चौधरी र अजय कुमार चौरसियाले थारु र मधेशी क्लस्टरबाट सहमहामंत्रीमा उम्मेदवारी घोषण गरेका थिए ।

सुरेन्द्र चौधरीले मात्र सहमहामंत्रीमा उम्मेदवारी दिनु भएको छ । संस्थापन पक्षको पदाधिकारीमा ब्यवस्थापन हुन नसकेपछि सोही समुहबाट चौरसियाले केन्द्रीय सदस्यमा उम्मेदवारी दिनु भएको छ।

अन्तिम समयमा केन्द्रीय सदस्यमा उम्मेदवारीको निर्णय भएको बताइएको छ ९१ वर्षिय बीरगंज महानगरपालिकाका उपप्रमुख सुश्री शान्ति कार्कीले पनि केन्द्रीय सदस्यमा उम्मेदवारी दिनु भएको छ । संस्थापन पक्षको समुहबाट नेपाली कांग्रेसका नेता रमेश रिजालले भूगोलबाट प्रदेश २ को तर्फबाट उम्मेदवारी दिनु भएको छ ।

नेपाली कांग्रेस पर्साका सभापति अजय कुमार द्विवेदीले पनि मधेशी क्लस्टरबाट केन्द्रीय सदस्य पदमा उम्मेदवारी दिनु भएको छ । मधेशी क्लष्टरमा जम्मा पाँच जना केन्द्रीय सदस्य निर्वाचित हुने छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।