नेपाल पत्रकार महासंघका उपाध्यक्ष अधिकारीको खुलासा अवको गन्तब्य पार्टी राजनीति

इसीमाना सम्वाददाता २०७८ मंसिर २० गते ०७: २४ मा प्रकाशित 484 पटक पढिएको

नेपाल पत्रकार महासंघका उपाध्यक्ष बाला अधिकारीले अबको आफ्नो गन्तब्य पार्टी राजनीति भन्दै नेपाल पत्रकार महासंघको उपाध्यक्षको जिम्मेवारीबाट अलग भएको घोषणा गर्नुृ भएको छ ।

आफनो फेसबुक पेजमा एउटा स्टाटस लेख्दै उपाध्यक्ष अधिकारीले यस्तो घोषणा गर्नु भएको हो । उहाँले म नेपाल पत्रकार महासंघको केन्द्रीय उपाध्यक्ष भएको नाताले नेपाल पत्रकार महासंघको बिधान,आचार संहिताको पालना गर्नु मेरो प्रमुख कर्तब्य रहेको कुरा मलाइ हेक्का छ भन्ने उल्लेख गर्नु भएको छ।

नेपाल पत्रकार महासंघको २६औ महाधिबेशनमा मलाइ आफ्नो अमुल्य मतदिएर महासंघको नेतृत्वमा पुर्याउनुहुने संपुर्ण मतदाताहरुमा हार्दिक आभार ब्यक्त गर्दछु उहाँले स्टाटसमा लेख्नु भएको छ ।

म महासंघको नेतृत्वमा नरहेपनि तपाइहरुको मतको उच्च सम्मान गर्दै हर हमेशा तपाइहरुको माझ सुख दुःखमा साथ रहने प्रण गर्दै अबको मेरो गन्तब्य पार्टि राजनिति तिर भनेर नेपाल पत्रकार महासंघको कार्यकारी तहबाट आफू अलग भएको घोषणा गर्नु भएको हो ।

उहाँको यो घोषण्णले नेपाल पत्रकार महासंघको बिभिन्न तहमा पदाधिकारी सदस्य भएर दलगत रुपमा राजनीतिमा समेत सहभागि भएका पत्रकारहरुकालागि नैतीक प्रश्न पेचिलो रुपमा उठने भएको छ ।

यद्धपी अधिकारीले आफनो गन्तब्य पार्टी राजनीति तिर भनेर सक्रिय राजनीतिमा सहभागि हुने कुराको जनाउ दिएपनि नेपाल पत्रकार महासंघको केनद्रीय उपाध्यक्षको पदबाट भने राजीनामा दिनु भएको छैन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।