मुख्यमंत्री राउतद्वारा एक मंत्री बर्खास्त, राजीनामा माँगेपछि बर्खास्तगीमा परेको यादवको भनाई

इसीमाना सम्वाददाता २०७८ कार्तिक ३० गते ०७: ५० मा प्रकाशित 612 पटक पढिएको

मंगलबार प्रदेश २ को उद्योग, पर्यटन, वन तथा वातावरण मन्त्री रामनरेश राय बर्खास्तीमा परेका छन । मुख्यमंत्री लालबाबु राउतले उनलाई बर्खास्त गरेका हुन । मुख्यमंत्रीले गठबन्धन सरकारमा नेकपा एकिकृत समाजवादीलाई समावेश गराउन मंत्री यादवको राजीनामा माँग गरेका थिए ।

मंत्री यादवले राजीनामा नदिएपछि उनी बर्खास्तगीमा परेको स्रोतले जनायो । या मंत्री यादवले आफूले मुख्यमन्त्री लालबाबु राउतको राजीनामा मागेका कारण बर्खास्तगीमा परेको बताएका छन ।

बेटी पढाऔं, बेटी बचाऔं अभियान अन्तर्गत कक्षा ८ का छात्रालाई वितरण गर्न साइकल खरिद गर्दा अनियमितता भएको भनी अख्तियार दुरुपयोग अनुसन्धान आयोगले मुख्यमन्त्री कार्यालयमा छापा मारेपछि आफूले मुख्यमन्त्री राउतलाई राजीनामा दिन भनेको यादवले बताए ।

यही विषयलाई लिएर आफूलाई बर्खास्त गरिएको यादवको भनाइ छ । यादव तत्कालिन राष्ट्रिय जनता पार्टी (राजपा) बाट सरकारमा सहभागी भएका थिए । पछि राजपा र उपेन्द्र यादव नेतृत्वको समाजवादी पार्टीबीच एकीकरण भएर जनता समाजवादी पार्टी (जसपा) बनेको थियो ।

जसपा बनेपछि पूर्व राजपाका महन्थ ठाकुर, राजेन्द्र महतो पक्षसँग विवाद भएपछि मुख्यमन्त्री राउतले प्रदेश सरकारमा रहेका पूर्वराजपा समूहका मन्त्री बर्खास्त गरेका थिए । त्यतिबेला उपेन्द्र यादवलाई समर्थन गरेका कारण रामनरेश राय यादवको पद भने जोगिएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।