सखुवा प्रसौनीका राय एमालेमा , पार्टीलाई पहिलो बनाउने प्रतिवद्धता

इसीमाना सम्वाददाता २०७८ असोज १९ गते ०६: २७ मा प्रकाशित 614 पटक पढिएको

जनता समाजवादी पार्टीका पर्सा जिल्ला सदस्य तथा थारु समुदायका अगुवा भूपदेव राय थारु जसपा परित्याग गरि मंगलवार नेकपा एमालेमा प्रवेश गरेका छन ।

उनीसंगै सखुवा प्रसौनी गाउँपालिकाको वडा नं २ का सदस्य इन्द्रदेव थारु पनि एमालेमा प्रवेश गरेका छन । सखुवा प्रसौनी गाउँपालिकामा राम्रो जनाधार भएका रायको एमाले प्रवेशले सखुवा प्रसौनीमा एमाले बलियो शक्तिको रुपमा स्थापित हुने आँकलन गरिएको छ ।

पार्टी केन्द्रीय कार्यालय थापाथलीमा नेकपा एमालेका महासचिव ईश्वर पोख्रेलले उनीहरुलाई अविर टिका लगाई पार्टीमा प्रवेश गराएका हुन । पार्टी प्रवेश गर्दै रायले नेकपा एमालेलाई गाउँपालिकामा स्थापित गर्न कुनै कसर बाँकी नराख्ने प्रतिवद्धता जनाएका थिए ।

राजनीतिक परिवारको पृष्ठभूमी रहेको राय परिवारकै छोरी फूलमती थारु गाउँपालिकाको उपाध्यक्ष रहेकी छिन ।

पार्टी प्रवेश कार्यक्रममा नेकपा एमालेका प्रदेश २ का इन्चार्ज रघुविर महासेठ, पर्सा जिल्ला इन्चार्ज अच्यूत मैनाली, सह इन्चार्ज निर्मला देवकोटा , जिल्ला अध्यक्ष प्रभू हजरा, संबिधान सभा सदस्य राजकुमार गुप्ता, प्रदेश कमिटीका सदस्य तेप प्रकाश निषाध पुराना एमालेका कार्यकर्ता शंकर महतो थारु, लगायतको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।