पार्टी बिभाजन नभई लोभी पापीहरुको झूण्ड बाहिरिएको र त्यसले पार्टीलाई शुद्ध पारेको छः अध्यक्ष यादव

इसीमाना सम्वाददाता २०७८ भदौ ११ गते ०८: ३१ मा प्रकाशित 565 पटक पढिएको

जनता समाजवादी पार्टीका अध्यक्ष उपेन्द्र यादव पार्टी बिभाजन नभई लोभी पापीहरुको झूण्ड बाहिरिएको र त्यसले पार्टीलाई शुद्ध पारेको बताएका छन ।

पार्टीले आज जनकपुरधाममा आयोजना गरेको अभिमुखिकरण कार्यक्रमलाई संशोधन गर्दै अध्यक्ष यादवले यस्तो बताएका हुन ।

पार्टीको निर्णय नमान्नेहरुको झूण्डले देश र मधेशको हित गर्न नसक्नेकुरा बुझ्न जरुरी रहेको बताए । उनले पार्टीको ८० प्रतिशत हिस्सालाई बिभाजनले असर नपारेको दावी गरे ।

उनले आन्दोलनबाट प्राप्त उपलब्धीहरुलाई समाप्त गर्दै मुलुकमा प्रतिगमन लाद्न चाहने केपी ओलीको मतियार बनेकाहरुबाट जनताले हिसाव लिने बताए ।

कार्यक्रममा बरिष्ठ नेता अशोक राइले मुलुकको पुरानो पार्टीहरु समतामुलक समाज निर्माणको कार्यदिशाबाट भागेका कारण जसपाको जन्म भएको बताए ।

मधेश प्रदेश समितिका अध्यक्ष विजय कुमार यादवको अध्यक्षतामा भएको उक्त कार्यक्रममा कार्यकारिणी समिति सदस्य महेन्द्र राय यादव, रेणु यादव, प्रदेश २का मुख्यमन्त्री लालबाबु राउत, राम नरेश राय, नवल किशोर साह, गजाधर यादव, मनिष सुमन , जनकपुर उपमहानगरका प्रमुख लालकिशोर साह सहितका वक्ताहरुले मन्तव्य राखेका थिए ।

पार्टी सुदृढिकरण, संगडन विस्तार एवं जागरण अभियान अन्तर्गत आयोजित कार्यक्रममा सप्तरी, सिरहा, धनुषा, महोत्तरी र सर्लाहीका अगुवा कार्यकर्ताहरुको उपस्थिति रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।