नेकपा पर्साद्वारा शुभकामना आदान प्रदान कार्यक्रम

10/15/2018 गते 00 00 मा प्रकाशित 1191 पटक पढिएको

वीरगन्ज, २९ असोज । नेपाल कम्युनिष्ट पार्टी पर्साले आज वडा दशैंको अवसरमा शुभकामना आदान प्रदान तथा पार्टी प्रवेश कार्यक्रमको आयोजना गरेको छ ।

नेकपाको रामगढवा स्थित पार्टी कार्यालयमा भएको कार्यक्रममा प्रमुख अतिथि नेपाल कम्युनिष्ट पार्टी प्रदेश नम्बर २ का इन्चार्ज एवं प्रदेश नम्बर दुई संसदको प्रतिपक्ष दलका नेता शिवनारायण मण्डल, नेपाल कम्युनिष्ट पार्टीका केन्द्रीय पोलिटब्यूरो सदस्य नागेन्द्र चौधरी, दिनेश राई, वीरगन्ज महानगरपालिकाका मेयर विजय सरावगी, उपमेयर शान्ति कार्की,

पर्साका प्रमुख जिल्ला अधिकारी लोकनाथ पौड्याल, प्रहरी उपरीक्षक रेवती ढकाल, सशस्त्र प्रहरी उपरीक्षक प्रेमध्वज शाह, पूर्व सांसदहरु राजकुमार गुप्ता, विचारी यादव, जयप्रकाश थारु, प्रद्युम्न चौहान, नेताहरु क्षेत्र बहादुर श्रेष्ठ ‘अनिल,’ बाबुराम कौशिक, रहबर अन्सारी, नेपाली कांग्रेसका सभापति अजय द्विवेदी, सचिव श्याम पटेल लगायत विभिन्न

राजनीतिक दल तथा नेकपाका भातृ संगठनका प्रमुख तथा प्रतिनिधि र नेता कार्यकर्ताहरुको सहभागिता रहेको थियो । सोहीक्रममा आयोजना गरिएको पार्टी प्रवेश कार्यक्रममा विभिन्न पार्टी परित्याग गरी ५० जना भन्दा बढी युवाहरु नेकपामा प्रवेश गरेका छन् । नवप्रवेशीहरुलाई कार्यक्रमका प्रमुख अतिथि नेकपका प्रदेश २ का इन्चार्ज सत्यनारायण मण्डलले माला र टिका लगाएर स्वागत गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।