बिचारमा प्रतिस्पर्धा गर्न नसकेपछि अधिनायकवादको हल्लाः प्रधानमन्त्री ओली

8/2/2018 गते 00 00 मा प्रकाशित 1117 पटक पढिएको

ललितपुर १७ साउन । प्रधानमन्त्री केपीशर्मा ओलीले सरकार नेपालीका सुखका चाहना पुरा गर्न प्रयासरत रहेको बताएका छन ।
२१ औं तुलसीलाल स्मृतिदिवशको अवरसरम आज तुलसीलाल स्मृति प्रतिष्ठानले आयोजना गरेको कार्यक्रममा बोल्दै प्रधानमन्त्री ओलीले यस्तो बताएका हुन ।

प्राकृतिक स्रोत साधन र परम्पराले धनी भएको देशका जनता गरिब हुन नसुहाउने प्रधानमन्त्री ओलीको भनाइ छ । सरकार हरेक क्षेत्रलाई उत्पादनसँग जोड्न चाहन्छ । उत्पादनमा आधुनिकीकरणका माध्यमबाट उत्पादकत्ववृद्धि गरी उपभोगमा पनि सामाजिक न्याय सहितको प्रवन्ध गरिने उनको भनाई छ ।

समृद्धिले मात्र सुख प्राप्तनहुने भन्दै प्रधानमन्त्री ओलीले समान अधिकार,समान अवसर,समान सुरक्षा र समान आत्मसम्मान प्राप्त भएमात्र सुख प्राप्त हुने प्रधानमन्त्रीको भनाइ छ । प्रम ओलीले भने “सामाजिक न्यायलाई स्थपितगर्दै नेपालीका सुखका चाहना पुरा गरिन्छ ।”

केही केही राजनीतिक पार्टीहरु बिचारमा प्रतिष्पर्धा गर्न नसकेर अधिनायकवादको हल्ला फिंजाउदै हिडेको प्रधानमन्त्री ओलीको भनाइ छ । “यस्ताहल्लालाई जनताले तिरस्कार गर्छन्” प्रधानमन्त्रीओलीले भने “कतिपयले पार्टीको आन्तरिक झगडा मिलाउन नसकेर सरकारको विरोधमा नेता कार्यकर्तालाई अलमल्याएका छन् ।”

प्रधानमन्त्री ओलीले तुलसीलाललाई वामआन्दोलनका पुराना नेताको रुपमा स्मरण गर्दै नेकपा आजको अवस्थामा आइपुग्न वहाँको महत्वपूर्ण योगदान रहेको बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।