वीरगंज, १८ असार ।
मरिच तस्करीका मुख्य नाइके भनिएका अनिल पटवारी हालसम्म फरार रहेका छन् । गत जेठ २१ गते वीरगंजको मुख्य नाकाबाट भारततर्फ लैजान लागिएको १२ मैट्रिक टन मरिच उनैको भएको रहस्य खुलीसकेको कारणले गर्दा उनी भूमिगत भएको बताइन्छ । 

मरिच तस्करी गरेको अभियोगमा ग्लोबल लेदर टेनिङ इन्डष्ट्रिज प्रा.ली. का सञ्चालक संजय अग्रवाल सहित भन्सार एजेण्ट दिलीप श्रीवास्तव र ट्रक चालक भारतीय नागरिक धर्मेन्द्र कुमारलाई हिरासतमा राखिएको भएतापनि मुख्य आरोपी अनिल पटवारी (अग्रवाल) नै रहेकोले उनी भूमिगत भएका हुन् । 

संजय अग्रवाल पटवारीका आफ्नै काका का छोरा हुन । सोझा– संजयको नाममा कम्पनी बनाए। विगत लामो समयदेखि सुपारी र मरिचको तस्करी गर्दै आएका अनिल पटवारी छोटो अवधिमै एक हजार करोड भन्दा बढीको सम्पति कमाउन सफल भएका छन् । 

लामो समयदेखी सुपारी लगायतका अन्य बस्तुको अनधिकृत कारोवार गर्दै आएका पटवारीले राज्यको कर छली गरेर  केही महिना भित्र आदर्शनगर एरियाभित्र सय करोड भन्दा बढीको सम्पति  खरिद गरेको व्यापरीहरुबीच चर्चा छ । संघीय समाजवादी फोरमका नेताहरुसंग अचेल बढी हिमचिम बढाएका पटवारी फोरमकै नेताको संरक्षणमा काठमाण्डौंमा रहेका छन  ।

जनताबाट निर्वाचित नेताले बाडेको अनेकौ सपना भताभूङ हुदै गएका छन । अझ ति नेता कर झली गरेर मुलुकलाई टाट पल्टाउने तस्कारको संरक्षणमा लागेको सून्दा उनका मतदाता समेत निराश बनेको छन ।

उता अनिल पटवारीका भाई संजय अग्रवाललाई राजश्व अनुसन्धान विभागले थुनेर तीन करोड ७६ लाख ८० हजार धरौटी मांगेको र सो बराबरको रकम तिर्न नसक्दा संजय हाल हिरासतमै रहेका छन् । उनलाई छुट्याउन पटवारीले कुनै कुनै पहल नगरेपछि संजयका साथीहरु मनोजदास र विष्णु अग्रवालले संजयलाई छुटाउन आवश्यक सहयोग गरीरहेकोले निकट भविष्यमै संजय धरौटी राखेर छुट्ने संभावना छ । 

सुपारी र मरिचका कुख्यात तस्कर अनिल पटवारीलाई जोगाउन संघीय समाजवादी फोरमका नेताहरु र वीरगंज उद्योग वाणिज्य संघ न्वारनको बल लगाएर लागि परेको छ । 

वीरगंज भन्सारबाट हुने तस्करी कार्यका मुख्य योजनाकार मध्ये एक भन्सार अधिकृत उद्धव ढुङ्गानालई हालसम्म कुनै कारवाही नगरिएकोमा व्यापारीहरु आक्रोशित भएका छन् ।

मरिच पास गराउने भन्सार अधिकृत हहुन ढुङगाना  । तर ढुङगाना अनुसन्धानको दायरमा पनि नआएको र उनले उन्मुक्ति पाएको भन्दै बीरगंज उधोग वाणिज्य संघका अध्यक्ष तथा प्रदेश सभा सदस्य ओम प्रकाश शर्माले सार्वजनीक मन्चहरुमै कुरा उठाउदै आएका छन । 

गत जेठ २१ गते वीरगञ्जको मूल नाका  भएर भारततर्फ जान लागेको भारतीय नम्बरको ट्रकमा १२ मेट्रिकटन मरीच बरामद भएको थियो । 

अग्रवाल मुख्य सञ्चालक रहेको ग्लोबल लेदरले भारतको कानपुरस्थित मेरिट एक्जिमलाई छाला पठाउने भनिएको ट्रकमा मरीच फेला परेको थियो ।

ग्लोबल लेदर टेनिङ इण्डष्ट्रिज प्रालिका सञ्चालक अग्रवाललाई राजस्व बिभाग काठमाण्डौले थुनामा पठाएको छ । मरिचको अवैध कारोवारको बिषयमा बयान दिन काठमाण्डौ गएका अग्रवालसंग बिभागले धरौटी माग गरे पछि उनी थुनामा पुगेका हुन ।

बिभागले अग्रवालसंग ३ करोड ७६ लाख ८० हजार रुपैयाँ घरौटी मागेको थियो । धरौटी रकम तिर्न नसकेपछि बिभागले उनलाई असार ७ मा थुनामा पाठाएको हो ।