वीरगन्ज महानगरपालिकाको वडा न. १ मा जनता साजवादी पार्टीका मनोज कुर्मी बिजयी भएका छन ।

बाराको परवानीपुरमा नेकपा एमाले बिजयी भएको छ । गाउँपालिकाको अध्यक्ष र उपाध्यक्ष पदमा नेकपा एमाले बिजयी भएको हो ।

पटेर्वा सुगौली गाउँपालिकाको वडा नं २ मा नेपाली कांग्रेसका बिजय गैरे बिजयी भएका छन । उनले ८ सय १३ मत प्राप्त गरी बिजय हासिल गरेका हुन ।

४ सय ४७ मत प्राप्त गरी पोखरिया नगरपालिका वडा नम्बर १ को अध्यक्षमा नेकपा एमालेका उम्मेदवार प्रमोद गिरी बिजयी भएका छन ।

ठोरी गाउँपालिकामा नेकपा एमालेले फराकिलो अग्रता लिएको छ । ठोरी गाउँपालिकाको वडा नं १ को १ हजार २ सय मतको गणना हुदा नेकपा एमालेले फाराकिलो अग्रता लिएको हो ।

पर्साको छिपहरमाई गाउँपालिकाको वडा नं १ को वडाध्यक्षमा नेपाली काग्रेसका कामेश्वर यादव बिजयी भएका छन ।

पटेर्वा सुगौलीको वडा नं १ को बुथ क र ख को ९५७ मतको गणना सकिएको छ । पालिका अध्यक्षमा नेकपा एमालेका उम्मेदवार हरिनारायण चौधरीले अग्रता लिएका छन । उनले ४ सय १९ मत प्राप्त गरेका छन ।

नेकपा एमालेका उपाध्यक्ष ईश्वर पोखरेलले नीति, सिद्धान्त नमिले पनि गठबन्धनको नाममा सत्ताधारी दलहरु एक ठाउँमा पोको परेको बताए । बीरगंजमा पार्टीले आयोजना गरेको सभामा बोल्दै नेता पोखरेलले एमालेलाई सिध्याउने उनीहरुसंग एक मात्र उद्धेश्य रहेको बताए । के.पी.ओलीले नेतृत्व गरेको एमाले उनीहरुकोलागि फलामको चिउरा भएको छ ।

बीरगंज महानगरपालिकामा नेकपा एमालेका उम्मेदवार बिजय कुमार सरावगीले आफूले गरेको बिकासको बारेमा जसपामा रहेका नेताहरुले कहिल्यै राम्रो टिप्पणी नगरेको बताएका छन ।बेटी पढाई बेटी बचाई अन्र्तगत छोरी बिमा र साइकल बितरणमा भ्रष्टचार मात्र गरेको आरोप लगाए ।

चुनावी गठबन्धनको मर्म र भावनाविपरीत नेपाली कांग्रेसका कार्यकर्ता आफ्नो दलमा छिराएर कांग्रेसलाई कमजोर बनाउने खेलमा लागेको जनता समाजवादी पार्टी (जसपा) गठबन्धनमा कांग्रेसबाट उपप्रमुखका उम्मेदवारलाई समेत हराउने दाउमा लागेको देखिएको छ ।

निर्वाचन आयोगलाई निर्वाचन आचार सहिता देखाउने खोस्टो हो की कार्यान्वयन गर्नकालागि गरिएको प्रवन्ध हो भन्दै नेकपा एमालेका नेता शिव पटेलले प्रश्न उठाएका छन छ ।

निडर स्वभावकी सरस्वती देवी चौधरी जीतपुरसिमरा उपमहानगरपालिकाको पहिलो महिला मेयरको रुपमा निर्वाचित हुने विश्लेषण गर्न थालिएको छ ।

बैशाख ३० गते हुने स्थानीय तहको निर्वाचनका लागि उम्मेदवारहरुले आफ्नो प्रचार प्रसारलाई तीब्र बनाएका छन् । तर, जसपाका उम्मेदवारहरुले भने भारतीय नागरिकको तस्वीर राखेर प्रचार प्रसार गरेका छन् ।

नेकपा माओवादी केन्द्र वीरगन्ज महानगर अध्यक्ष रहबर अन्सारीले जेठ २ पछि नेपाली कांग्रेस र जनता समाजवादी पार्टीले एमाओवादी केन्द्रलाईचिन्छ कि चिन्दैन भन्ने प्रश्न गरेका छन । माओवादी सहितको गठबन्धनलाईजिताउनु आफनो प्राथामिकता रहेको बताएका अन्सारीले वडामा आफना उम्मेदवारलाई जिताउने गरी अभियान चलाएका छन ।

वीरगंजको बिकास भएको छ तर पाँचदलीय गठबन्धनको आँखाले त्यो नदेखेको नेकपा एमालेका नेता तथामहानगरका प्रमुखका उम्मेदवार बिजय सरावगीले बताएका छन ।कोरोना कहरमा महानगरवासीलाई बचाउनकालागि गरिएको प्रयासलाई पनि उनीहरुले राम्रो कामको रुपमा लिन नसकेको उनले बताए ।

नेपाली कांग्रेसका दर्जनौं नेता तथा कार्यकर्ताले पार्टी परित्याग गरी जनता समाजवादी पार्टी नेपालमा प्रवेश गरेका छन् ।

पर्साको पोखरियामा नगरपालिकामा नेकपा माओवादी केन्द्र र जनता समाजवादी पार्टीका बीचमा मिलेर चुनाव लड्ने बिषयमा सहमती भएको छ ।