महागढीमाईको सुरक्षामा मधेश सरकारको सक्रियता, सुरक्षाका सबै प्रबन्ध मिलाईने मन्त्री लेखीको भनाई

इसीमाना सम्वाददाता २०८१ मंसिर १५ गते ०९: ५९ मा प्रकाशित 160 पटक पढिएको

वीरगञ्ज । मधेश सरकारले महागढीमाई मेलाको सुरक्षामा कुनै प्रकारको कमी हुन नदिने भएको छ ।

मधेश सरकारका गृह सञ्चार तथा कानुन मन्त्री राज कुमार लेखीले महागढीमाई मेलाको तयारीका बिषयमा अनुगमन गर्ने क्रममा यस्तो बताएका हुन ।

उनले शनिवार मन्त्रालयको टोली सहित बाराको बरियारपुर पुगेर मेलाको अवलोकन तथा निरिक्षण गरेका हुन ।

गढीमाई मेलाको अवलोकन तथा निरीक्षण पछि महागढीमाई नगरपालिकामा आयोजित छलफल कार्यक्रममा प्रदेशका गृह सञ्चार तथा कानुन मन्त्री लेखिले मधेश एकै महिनामा २ वटा ठूलो मेला लाग्ने भएकोले सुरक्षामा कुनै किसिमको कसर बाकी नरहने गरि गृह मन्त्रालयले काम गरिरहेको बताए ।

हरेक पाँच पाँच बर्षमा लाग्ने गढीमाई मेलामा दर्शनार्थीहरुको धेरै भिड हुने गरेकोले सुरक्षा ब्यवस्थापनमा कुनै कसर बाकी नरहने मन्त्री लेखिले बताएका हुन ।

बिवाह पन्चमीको अवसरमा जनकपुरमा समेत ठूलो मेला लाग्ने भएकोले अहिले प्रदेश सरकारको ध्यान जनकपुर र बरियारपुरमा लाग्ने गढीमाई मेलामा केन्द्रित रहेको समेत मन्त्री लेखिले बताए ।

गढीमाई धार्मिक र पर्यटकीय हिसाबले पनि एउटा ठूलो अस्था बोकेको मन्दिर रहेकोले यसको संरक्षणमा केन्द्र सरकार र प्रदेश सरकारको ध्यान अहिले केन्द्रित रहेको मन्त्री लेखिले छलफलको क्रममा बताए ।

मंसिर ०१ गते देखि सुरु भएको बिश्व प्रसिद्ध गढीमाई मेला भब्य र सभ्य बनाउनको लागि महागढीमाई नगरपालिकाको नगरप्रमुख लगाएतको टोली दिनरात एक गरेर मेलाको ब्यवस्थापनमा लागेकोले मेलाले ठूलो सफलता हासिल गर्ने समेत मन्त्री लेखिले बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।