क्रियाशिल युवा पत्रकार मञ्चद्वारा पत्रकार महासंघका नवनिर्वाचित पदाधिकारी, सदस्यहरु सम्मानीत

इसीमाना सम्वाददाता २०८१ माघ १७ गते १८: २८ मा प्रकाशित 116 पटक पढिएको

वीरगन्ज । क्रियाशिल युवा पत्रकार मञ्च नेपाल वीरगन्जले नेपाल पत्रकार महासंघका नवनिर्वाचित पदाधिकारीहरुलाई सम्मान गरेको छ ।

बिहिबार त्रिशला रेष्टुरेन्टमा एक कार्यक्रमको आयोजना गर्दै मञ्चले नवनिर्वाचित पदाधिकारीहरुलाई सम्मान गरेको हो ।

मञ्चले नेपाल पत्रकार महासंघका नवनिर्वाचित केन्द्र, प्रदेश तथा जिल्लाका पदाधिकारी एवम् सदस्यहरुलाई स्वागत तथा सम्मान कार्यक्रमको आयोजना गरेको थियो ।

सो अवसरमा डा. मञ्जु श्रेष्ठ नेपाल चिकित्सक संघका केन्द्रीय उपाध्यक्ष डा. निरज सिंह, नेपाल पत्रकार महासंघका केन्द्रीय लेख समिति संयोजक के.सी. लामिछाने , नेपाल उधोग बाणिज्य महासंघका केन्द्रीय सदस्य डा. सुवोध गुप्ता, वीरगन्ज उद्योग वाणिज्य संघका अध्यक्ष अनिल पटवारी, वरिष्ठ उपाध्यक्ष हरि गौतम, लगायतले नवनिर्वाचित पदाधिकारी एवम् सदस्यहरुलाई सम्मानित गरे ।

नवनिर्वाचित पदाधिकारी एवम् सदस्यहरुलाई टिका लगाई, गम्छा तथा कदर पत्र प्रदान गर्दै सम्मानित गरिएको हो ।

कार्यक्रममा केन्द्रीय संयोजक लामिछाने, प्रदेशका सचिव दीपक गौतम ,प्रदेश सदस्य बिनोद परियार ,त्रिलोकीनाथ यादव जिल्ला अध्यक्ष ओमप्रकाश खनाल, उपाध्यक्ष निलिमा पौडेल सह सचिव एस.के चौरसिया , अजय चौरसिया , केन्द्रीय परिषद सदस्य लालबाबु शेख , महेशचन्द्र गौतम, राघव साह लगायतका नव निर्वाचित पदाधिकारी सदस्यहरुलाई सम्मान गरिएको थियो ।

मंचका अध्यक्ष प्रणय कुमार साहको अध्यक्षतामा भएको कार्यक्रममा स्वागत मन्तब्य मंचका सचिव आनन्द पटेल र संचालन बीरेन्द्र साहले गरेका थिए ।