वीरगन्जमा मधेशी मोर्चाको विरोध प्रर्दशन

4/22/2017 गते 00 00 मा प्रकाशित 1246 पटक पढिएको

वीरगन्ज, ९ बैशाख । संयुक्त लोकतान्त्रिक मधेसी मोर्चा पर्साले आज वीरगन्जमा विरोध प्रदर्शन कोण सभा सम्पन्न गरेको छ ।सरकारले दोश्रो संशोधनको प्रस्ताव संसदमा दर्ता गरेपछि आन्दोलनमा उत्रिएको मोर्चाले पूर्व योजना अनुरुप सभा गरेको हो । बीरगंजको सभामा तत्कालिन सदभावना पार्टीका अध्यक्ष राजेन्द्र महतोले सम्बोधन गर्ने कार्यक्रम रहेको थियो । काठमाण्डौमा सरकारसंग सघन वार्ता चलिरहेकोले महतो बिरोध सभामा सहभागी हुन नसकेको राजपाका नेता मुस्तकीम अन्सारीले बताएका छन । संविधान संशोधन नगरी स्थानीय तहको निर्वाचन गर्न नदिने अडान राख्दै मोर्चामा आवद्ध दलका नेता कार्यकर्ताले वीरगन्जमा प्रदर्शन गरेका हुन ।
मोर्चाका नेताहरु जितेन्द्र सोनल ,पुरुषोत्तमलाल झा प्रेमबाब् पटेल मुस्तिक अन्सारी करिमा बेगम रेखा साह लगायतका नेताहरुको नेतृत्वमा वीरगन्जको घाण्टारबाट निस्केको जुलुस माईस्थान, आदर्शनगर, घडिअर्वा चोक हुदै पुनः घण्टा घर चोकमा पुगी कोण सभामा परिणत भएको थियो ।

राष्ट्रिय जनता पार्टीका नेता प्रेमबाबु पटेलको अध्यक्षतामा सम्पन्न भएको कोणसभामा नेताहरुले मधेश समस्याको हल बिना हुने निर्वाचनको औचित्य नरहेको बताएका थिए ।
कोणसभामा संघीय समाजवादी फोरम नेपालीकी केन्द्रिय सदस्य एवम् पुर्व मन्त्रि करिमा बेगम, फोरम नेपालका मधेस प्रदेशका सचिव सलाउदिन अहमद, विद्यार्थी नेता यसवन्त यादव , राजपाका रंजन मिश्र ,कृष्ण पटेल नुर आलम लगायतका मन्तब्य ब्यक्त गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।