स्थानीय तहको सीमा मिलाउन माग गर्दै प्रजिअलाई ज्ञापन

3/22/2017 गते 00 00 मा प्रकाशित 1229 पटक पढिएको

वीरगंज ९, चैत्र ।
राष्ट्रिय मधेश समाजवादी पार्टी पर्साले स्थानिय तहको पुनः संरचना गर्दा विभेद भएको भन्दै जिल्ला प्रशासन कार्यालयमा ज्ञापन पत्र बुझाएर विरोध जनाएको छ ।

रा.म.स.पा.पर्साका अध्यक्ष प्रेम बाबु पटेलको नेतृत्वमा टोलीले पर्साका प्रमुख जिल्ला अधिकारी केशज राज घिमिरे समक्ष ज्ञापन पत्र बुझाउँदै स्थानीय तहको पुनः संरचना गर्दा पर्साका गा.वि.स.हरुलाई गाउपालिका घोषणा गरिएको र वीरगंज उप–महानगरपालिकाको साविक ३० वटालाई घटाएर २७ वडा कायम गर्ने क्रममा नगरको सर्वाधिक ठूला वडा १३, १६, १७, १८ र १९ लाई न्यायोचित ढंगले विभाजन गरी समान रुपमा कायम गर्न माग गर्दै त्यसो नगरिए वडाहरुमा कुनैपनि किसिमको काम हुन नदिने समेत चेतावनी दिइएको छ ।

केन्द्रयी सदस्य राजेशमान सिंह, महाविर शर्मा, डा.सुरेन्द्र तिवारी, युवा लिगको अध्यक्ष सुशिल पटेल, जिल्ला सचिव उमेश सहनी, वकिल हवारी, राहुल तुलस्याङ, लगायतका नेताहरु ज्ञापन पत्र बुझाउन गएका थिए । त्यसै गरि रा.म.स.पा.को भातृ संगठन युवा लिग पर्साका अध्यक्ष सुशिल पटेलको नेतृत्वमा करिब ५० जनाको संख्यामा रहेको युवा टोलीले वीरगंज उप–महानगरपालिका वडा नं. ६ को वडा कार्यालयको वार्डमा कालोदली मधेश सरकार लेखेको राष्ट्रिय पत्रकार संघका केन्द्रीय अध्यक्ष विरेन्द्र साह (हिटलर) ले जानकारी दिनु भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।