राजनीतिका नाममा जनतलाई भ्रममा पार्दैछन दलहरु ः नेता यादव

3/22/2017 गते 00 00 मा प्रकाशित 1473 पटक पढिएको

पोखरिया ९ चैत ।
अधिकार र पहिचान विरोधी नेताहरूको हानीकारक राजनीतिक तस्विर जनताले हेरीसकेको नेपाल संघीय समाजवादी पार्टीका उपाध्यक्ष राजकुमार यादवले बताएका छन । पर्साको पोखरिया नगर पालिकामा आज नेपाल संघीय समाजवदी पार्टीको वडा स्तरीय पार्टी भेला र पार्टी प्रवेश कार्यक्रमलाई सम्बोधन गर्दै उनले यस्तो बताएका हुन । पार्टीका केन्द्रीय उपाध्यक्ष राजकुमार यादवले जनता बिरोधी र भ्रष्टनेताहरू आफ्नो ब्यक्तिगत स्वार्थको लागी जनतालाई भ्रममा पार्न प्रयासरत रहेको बताए । उनले नेताहरुको नक्कली बिचार जनताको बिचमा लाने प्रयासमा लागेको आरोप लगाएका छन । त्यसको मुल्याकंन जनताले गरी बहिष्कार गर्नु पर्नेमा उनले जोड दिएका छन । समानता र सम्मानका लागी दलित आन्दोलन अगाडी बढी रहेको बताउदै उनले दलित आन्दोलन प्रजातांत्रिक आन्दोलन जतिकै पुरानो रहेको जिकिर गरे । नेता यादवले ००७ सालको राजनितिक परिर्वतन भएता पनि गरिब, दलित, मुसलिम , असाय र उत्पिडनमा परेक जनताहरूको लागी खासै परिर्वतन नआएको दावी गरे । दलितहरूको आन्दोलन आठौ चरणमा अगाडी बढी रहेको बताउदै उनले प्रथम २०२९ सालमा राष्ट्रिय दलित परिषद गठन भएको , आरक्षण छुवाछुतलाई दण्डनिय बनाउने निति २०४७ सालको संविधानमा उलेख भएको बताउदै उनले २०६८ सालमा छुवाछुत कसुर सजाय तोकेको बताए । अव आठौ चरणमा समानताकालागि र सम्मानपूर्ण पहिचानकालागि लडाई हुने बताए । कार्यक्रमलाईसंबोधन गर्दै राजनितिलाई सपिङ सेन्टर र पार्क बनाउने निति जनता बिरोधी भएको नेता दिप नारायण रौनियारले बताए । कार्यक्रमको सभापति अदालत मियाँले गरेका थिए । कार्यक्रममा प्रसाद कुशवाहा , अजय मिश्र , योगेन्द्र चौरसीया लगायतले मन्तब्य ब्यक्त गरेका थिए । सो कार्यक्रममा नेपाली काँगेस ,एमाले लगायत पार्टी परित्याग गरि बिभिन ब्यक्तिहरू नेपाल संघिय समाजवादि पार्टीमा प्रवेश गरेका थिए । प्रवेश गर्नेहरूमा हिरामन महतो , बालाझी राम , बिरेन्द्र महतो , अदालत मिया , बिशाल महतो, राजकिशोर चौहान , श्रीराम चौहान , चन्द्रदेव चौहान , शिवनाथ राम यसै गरी डमरापुर टोल बाट अयोध्या प्र। कुर्मीको नेतृत्वमा प्रभु पासवान , देवनारायण पासवान लगायत नेपाल संघिय समाजवादी पार्टीमा प्रवेश गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।