नेपाल विद्वत परिषदको राष्ट्रिय प्रशिक्षण सम्पन्न

3/28/2017 गते 00 00 मा प्रकाशित 1397 पटक पढिएको

वीरगंज, १५ चैत्र
मेची महाकाली भ्रमण अभियान २०७३ अन्तगर्तत वीरगंज आइपुगेको नेपाल विद्वत परिषदको टोलीले मंगलवार वीरगंजमा राष्ट्रिय प्रशिक्षण एवं भेटघाट कार्यक्रम सम्पन्न गरेको छ ।
   विद्वत परिषदमा आवद्ध विभिन्न तहका व्यक्तित्वहरूलाई परिषदका केन्द्रिय अध्यक्ष जितबहादुर अर्जेल, केन्द्रिय सदस्य बल्लभ दाहाल, नरेशराज गिरी, अध्यानन्द प्रसाद कलवार, पशुपति विक्रम शाह लगायतका टोलीले प्रशिक्षण दिएका हुन ।
   प्रशिक्षण कार्यक्रममा बोल्दै ं परिषदका केन्द्रिय अध्यक्ष जितबहादुर अर्जेलले इमान्दारिता भए सानो समुहले पनि देशमा आमूल परिवर्तन ल्याउन सक्ने बताए । इच्छाशक्ति र कार्यशक्ति प्रवल भएकै कारण एक्ला पृथ्वी नारायण अघि सरेर राष्ट्र एकीकरणमा सबै नेपालीलाई सरिक गराएर विशाल नेपालको निर्माण गरे भने राजा महेन्द्रले पनि इच्छाशक्ति, कार्यशक्तिकै कारण आप्mनो शासनकालको सानो अवधिमा नै नेपाललाई विश्वमाझ चिनाउन तीव्र गतिमा विकास गरे । त्यसैले हामी सबै नेपाली तीव्र इच्छाशक्ति लिएर अगाडि बढ्यौ भने देश विदेशीकरण हुनबाट जोगिन्छ ।
   अध्यक्ष अर्जेलले विदेशीलाई नागरिकता बा“ड्ने, विदेशी हस्तक्षेप, विदेशी धर्म निम्त्याउने तथा देशलाई परनिर्भर बनाएर आप्mनो दुनो सोझ्याउने दलीय व्यवस्था भन्दा पंचायती व्यवस्था नै नेपालको लागि उत्तम व्यवस्था भएको जिकीर गरे ।
उनले परिषद कुनै निश्चत दल, व्यक्ति वाद, वर्ग, क्षेत्र समुदाय विशेषको नभई सिंगो नेपालीको साझा आवाज एकता, राष्ट्रिय अखण्डताको रक्षा र राजसंस्थाको पुनस्र्थापनाको ऐजेण्डा लिएर अगाडि बढेको बताए । कार्यक्रममा परिषदका केन्द्रिय सदस्य बल्लभ दाहाल पशुपति विक्रम शाह नरेश राज गिरी अध्यानन्द कलवार, जिल्ला अध्यक्ष राम नारायाण साह, अरुण विक्रम शाहलगायतले मन्तव्य ब्यक्त गरेका थिए । प्रशिक्षण कार्यक्रममा वीरगंज उपमहानगरपालिकाका पूर्व नगरप्रमुख विमल श्रीवास्तव, संजिव कुर्मी, प्रेम सर्राफ, सरजुग पंडित, कमरुल होदालगायतको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।