एमालेलाई निषेध गर्ने अभियान फासीवाद हो ः नेता ज्ञवाली

1/31/2017 गते 00 00 मा प्रकाशित 1509 पटक पढिएको

हेटौडा १८ माघ
नेकपा एमालेका केन्द्रीय सचिव प्रदिप ज्ञावलीले प्रधानमन्त्री पुष्पकमल दाहाल प्रचण्डको दोहोरो चरित्रको कारण देश र संविधान संकटमा परेको बताएका छन् । प्रेस चौतारी मकवानपुरले आज हेटौँडामा गरेको पत्रकार सम्मेलनमा बोल्दै सचिव ज्ञावलीले प्रचण्डले बाहीर निर्वाचन गर्छ भन्ने तर मधेशी दलहरुसँग अर्कै कुरा गर्ने गरेको बताए ।
मधेशमा रहेको आम समुदायहरु चुनावको पक्षमा रहेको बताउँदै ज्ञावलली सरकारलाई चुनावको मिति तत्काल घोषणा गर्न समेत आग्रह गरेका छन् । संविधान कार्यन्वयनको लागि निर्वाचनको कुनै विकल्प नभएको भन्दै उनले निर्वाचनबाट देशले निकास पाउने बताए ।
सरकारले निर्वाचन संवन्धी विधेयक निर्माण तथा पारित गर्न कुनै भुमिका नखेलेको बताउँदै उनले निर्वाचनको मिति घोषणासँगै निर्वाचन क्षेत्र निर्धारण आयोग गठन अहिलेको प्रमुख काम भएको बताए ।
मधेशवादी केहि दलहरुले तराईमा एमाले निशेध अभियान चलाउनु राजनीतिक फाँसीवाद रहेको भन्दै जनाधार नभएका दलहरुको आतंकबाट एमाले नडराउने बताए । सरकार संविधान संसोधनको नाउँमा मधेश टुक्राउछु भन्नेहरुको पक्षमा लागेको भन्दै देश टुक्राउने अभिब्यक्ती दिनेलाई कारबाही नगर्नु शंकाको विषय भएको उनको भनाई रहेको थियो । पत्रकार सम्मेलन प्रेस चौतारी मकवानपुरका अध्यक्ष प्रकाश दाहालको अध्यक्षतामा भएको हो

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।