प्रहरीको न्यायीक हिरासतमा रहेका थुनुवाको अब नियमित स्वास्थ्य परीक्षण,वीरगंज हेल्थकेयर र पर्सा प्रहरीवीच भयो सम्झौता
वीरगन्ज । जिल्ला प्रहरी कार्यालय पर्साको हिरासतमा रहेका थुनुवा र कार्यालयमा कार्यरत प्रहरी कर्मचारीले अब प्रहरी परिसरमै नियमित स्वास्थ्य परीक्षण गराउन पाउने भएका छन् ।
यसका लागि जिल्ला प्रहरी कार्यालय पर्सा र वीरगन्ज हेल्थ केयर अस्पतालबीच एक वर्षका लागि स्वास्थ्य सेवा उपलब्ध गराउने सम्झौता भएको छ ।
सम्झौताअनुसार अस्पतालका चिकित्सकले हरेक शुक्रबार जिल्ला प्रहरी कार्यालयमै पुगेर थुनुवा तथा प्रहरी कर्मचारीको स्वास्थ्य परीक्षण गर्नेछन् । सामान्य स्वास्थ्य समस्यादेखि थप उपचार आवश्यक पर्ने अवस्थासम्म स्वास्थ्य सेवा उपलब्ध गराउने व्यवस्था गरिएको छ ।
स्वास्थ्य परीक्षणका क्रममा जटिल समस्या देखिएमा सम्बन्धित व्यक्तिलाई अस्पतालमा थप उपचारको व्यवस्था गरिनेछ । सम्झौताअन्तर्गत न्यूरो, कार्डिएक र स्पाइनल इन्जुरीसम्बन्धी समस्याको उपचारसमेत गरिने जनाइएको छ ।
सम्झौतापत्रमा वीरगन्ज हेल्थ केयर अस्पतालका अध्यक्ष अबुलहैस अन्सारी र जिल्ला प्रहरी कार्यालय पर्साका प्रहरी प्रमुख एसपी पवन भट्टराईले हस्ताक्षर गरेका छन् ।
एसपी भट्टराईले हिरासतमा रहेका व्यक्तिको स्वास्थ्य अवस्थालाई बेवास्ता गर्न नहुने बताए । उनले संविधानले सुनिश्चित गरेको स्वास्थ्यसम्बन्धी अधिकारलाई ध्यानमा राख्दै थुनुवा र प्रहरी कर्मचारी दुवैका लागि नियमित स्वास्थ्य परीक्षणको व्यवस्था गरिएको जानकारी दिए ।
अस्पताल प्रशासन प्रमुख भूमिका अधिकारीका अनुसार ‘बिमा नागरिक कार्यक्रम’ अन्तर्गत एक लाख रुपैयाँसम्मको उपचार सेवा उपलब्ध गराउने व्यवस्था पनि सम्झौतामा समेटिएको छ ।
यस व्यवस्थाले हिरासतमा रहेका थुनुवालाई आवश्यक परेको समयमा स्वास्थ्यकर्मीको पहुँच सहज बनाउने तथा समयमै उपचार पाउने वातावरण तयार गर्ने अपेक्षा गरिएको छ ।
सम्झौताको अवधि एक वर्ष रहनेछ ।
कार्यक्रममा डीएसपी चक्रबहादुर मल्ल, राजु कार्की, अस्पतालका कर्मचारी तथा जिल्ला प्रहरी कार्यालयका प्रहरी अधिकारीहरूको सहभागिता थियो ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पोखरियामा नक्कली विवरणका आधारमा अपाङ्गता परिचयपत्र जारी गर्ने दुई कर्मचारीसहित तीन जना दोषी ठहर
वीरगञ्ज । पर्साको पोखरिया नगरपालिकामा गलत विवरणका आधारमा पूर्ण अपाङ्गताको परिचयपत्र जारी गरी सामाजिक सुरक्षा भत्ता लिएको प्रकरणमा विशेष अदालतले दुई कर्मचारीसहित तीन जनालाई दोषी ठहर गरेको छ।
तरकारीका थोक कारोवारीलाई वीरगंज महानगरको २१ दिने अल्टिमेटम, व्यवस्थित थोक बजारमा जान निर्देश
वीरगंज । वीरगंज महानगरपालिकाले सडक तथा सार्वजनिक स्थानमा जथाभावी तरकारी तथा फलफूलको थोक बजार सञ्चालन नगर्न निर्देशन दिँदै व्यवसायीलाई २१ दिनभित्र तोकिएको स्थानमा स्थानान्तरण हुन अल्टिमेटम दिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
तपाईको प्रतिक्रिया