महानगर प्रमुख सिंहको सुझाव ,नोक्सानी अगावै शान्ति र सदभावको ठोस पहलकदमीकालागि जुटौं
वीरगंज बाहिर उत्पन्न भएका विवादलाई जबर्जस्ती वीरगंजमा ल्याएर शहरलाई अशान्त बनाउने, धार्मिक भावना भड्काउने र आफूलाई धर्मको ठेकेदार ठान्ने सीमित व्यक्तिहरू अझै पनि किन कानुनी कारबाहीको दायरामा आएका छैनन् ?
के वीरगंज बारम्बार केही व्यक्तिको निहित स्वार्थ पूरा गर्ने प्रयोगशाला बनिरहन बाध्य छ ? वीरगंज महानगर प्रमुख राजेशमानसिंहले आफनो फेसबुक पेजमा लामो स्टाटस लेख्दै यि मार्मिक सवालको उठान गरेका छन ।
सदियौँदेखि जोगिँदै आएको हिन्दू–मुस्लिम भाईचारा, सहअस्तित्व र सामाजिक सद्भावलाई योजनाबद्ध रूपमा भत्काउन खोज्नेहरूलाई जरैदेखि कारबाही नगरेसम्म यस्ता समस्या दीर्घकालीन रूपमा समाधान हुन सक्दैनन्। समस्या आफैँ समाधान हुँदैन, यसलाई समाधान गर्ने इच्छाशक्ति र निष्पक्ष राज्य हस्तक्षेप चाहिन्छ।
शान्ति–सुरक्षा कायम गर्नु राज्य र सुरक्षा निकायको संवैधानिक दायित्व हो। समाजका अगुवा र सरोकारवालाको भूमिका सहजीकरण र सहकार्यमा सीमित हुन्छ। सम्भावित जोखिमको आँकलन, विश्लेषण, नियन्त्रण र दोषीमाथि कानुनी कारबाही गर्ने सम्पूर्ण संयन्त्र सरकारसँग हुँदाहुँदै पनि, बाहिरबाट आयातित विषयका कारण जब–जब धार्मिक तनाव चर्किन्छ, तब सम्बन्धित निकाय किन आफ्नो जिम्मेवारीबाट पन्छिन खोज्छ ? उनको प्रश्न छ ।
आफ्नो व्यक्तिगत वा समूहगत स्वार्थ पूरा गर्न पूरै शहरलाई भयभीत, आक्रान्त र अशान्त बनाउनेहरूलाई पक्राउ गरी कडा कारबाही गर्न प्रशासन किन हिच्किचाइरहेको छ ?
वीरगंज कुनै व्यक्ति, कुनै समूह वा कुनै एजेन्डाको बन्धक होइन। यो शान्ति, सद्भाव र आपसी विश्वासको साझा शहर हो।
यसलाई भड्काउन खोज्ने जो–कोहीमाथि निष्पक्ष र कठोर कानुनी कारबाही हुनु नै न्याय, स्थायित्व र दीर्घकालीन समाधानको एकमात्र आधार हो।
अपराधपछि मात्रै सद्भावका र्याली र औपचारिक बैठक गर्नु समाधान होइन, त्यो त केवल राज्यको असफलतामाथि टाँसिएको औपचारिक मलम हो भन्दै उनले नोक्सानी अगावै शान्ति र सदभावको ठोस पहलकदमीकालागि सुझाए का छन ।
उनले धर्म भावना र आस्थासँग जोडिएको विषय हो। कसैले कसैको भावनासँग खेल्न हुदैन । जो कोही भावना भड्काएर समाज बिथोल्न खोज्छ, उसलाई कुनै पनि हालतमा छुट दिन मिल्दैन भनेका छन ।
उनले अपिल गर्दै भनेका छन आउनुहोस्, आपसी सद्भाव र भाईचारा अझ सुदृढ बनाउँदै, डर होइन विश्वासमा आधारित समाज निर्माण गरौँ।
शान्त, समुन्नत र समावेशी “वैभव वीरगंज” तर्फ एकजुट भएर अघि बढौँ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पञ्चगावामा दुई महिलासहित २५ जना स्थानीय युवाले रक्तदान गरे
पचगावा । पर्साको सखुवा प्रसौनी गाउँपालिका–२ पञ्चगावामा आयोजित रक्तदान कार्यक्रममा २५ जनाले रक्तदान गरेका छन्।
पर्यटन प्रर्वद्धनमा हिडेका बाइक राइडरलाई ठोरीमा भव्य स्वागत
ठोरी । पर्यटन प्रवर्द्धन गर्ने उद्देश्यले ठोरी आइपुगेका बाइक राइडरहरूलाई ठोरीमा भव्य स्वागत गरिएको छ।
खेलकुद
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
सिमरामा अन्तर्राष्ट्रिय आमन्त्रण महिला फुटबल प्रतियोगिता हुँदै
सिमरा । बाराको सिमरामा असोज १० देखि १७ गतेसम्म ‘एक्स्ट्रिम जीतपुरसिमरा अन्तर्राष्ट्रिय आमन्त्रण महिला फुटबल प्रतियोगिता’ हुने भएको छ।
तपाईको प्रतिक्रिया