एक वर्षदेखि सम्पर्कविहीन महिलाको मानवसेवा आश्रमको पहलमा पारिवारिक पुनर्मिलन
वीरगञ्ज। एक वर्षदेखि परिवारको सम्पर्कबाट टाढा रहेकी भारतकी एक महिलाको मानवसेवा आश्रम वीरगञ्जको पहलमा पारिवारिक पुनर्मिलन भएको छ।
इलाका प्रहरी कार्यालय, प्रसौनी बाराले उद्धार गरी बुधबार राति करिब १० बजे मानवसेवा आश्रम वीरगञ्जमा ल्याएकी महिलाको परिवार पहिचान भएपछि बिहीबार उनका भाइ सोहन रायको जिम्मा लगाइएको हो।
आश्रमका अनुसार ती महिला भारतको मोतिहारी जिल्ला, राजेपुर थाना क्षेत्रको मोहम्मदपुर सागर गाउँकी हुन्। उनी करिब एक वर्षदेखि परिवारको सम्पर्कबाट बाहिर रहेकी थिइन्।
आश्रममा ल्याइएपछि महिलाको पारिवारिक अवस्था र ठेगाना पहिचानका लागि खोजी तथा समन्वय गरिएको थियो। निरन्तरको प्रयासपछि परिवारसँग सम्पर्क स्थापित भएपछि उनलाई भाइ सोहन रायको जिम्मा लगाउँदै पारिवारिक पुनर्मिलन गराइएको आश्रमले जनाएको छ।
मानवसेवा आश्रमका संस्थापक अभियन्ता देवेश गुप्ताले परिवारसँग सम्पर्कविहीन रहेकी महिलालाई आफन्तसँग पुनः जोड्न सकिएको जानकारी दिए।
उनका अनुसार अलपत्र तथा परिवारबाट टाढा रहेका व्यक्तिको उद्धार, संरक्षण र परिवारसँग पुनर्मिलन गराउनु आश्रमको प्रमुख उद्देश्यअन्तर्गत पर्छ।
महिलाको उद्धारमा सहयोग गर्ने इलाका प्रहरी कार्यालय, प्रसौनी, मानवसेवा आश्रम वीरगञ्ज तथा परिवार पहिचानका लागि समन्वयकारी भूमिका निर्वाह गर्ने सामाजिक अभियन्ता विनय कुमारलगायत सबै सहयोगीप्रति आश्रमले आभार व्यक्त गरेको छ।
मानवसेवा आश्रमले सडक तथा सार्वजनिक स्थानमा अलपत्र अवस्थामा भेटिएका व्यक्तिको उद्धार, संरक्षण तथा आवश्यक उपचारसँगै परिवार पहिचान गरी पुनर्मिलन गराउँदै आएको छ।
एक वर्षदेखि परिवारबाट टाढा रहेकी महिलालाई आफन्तको जिम्मा लगाउन सफल भएको घटनालाई आश्रमले आफ्नो मानवसेवा अभियानको महत्वपूर्ण उपलब्धिका रूपमा लिएको जनाएको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया