वीरगन्ज, ५ मंसिर । प्रदेशसभा सदस्य ओमप्रकाश शर्मामाथि बुधबार बिहानै कुटपिट भएको छ । बिहानी पख वीरगन्जको आदर्शनगरमा प्रभातीय यात्रामा निस्किएका प्रदेश सांसद शर्मालाई उनकै पार्टीको नगर सभापति भोला कलवारले कुटपीट गरेका हुन ।

कलवारले आफना मान्छेहर बोलाएर कुटन लगाएको साँसद शर्माले बताउनु भयो ।  प्रभातीय यात्रामा निस्किएका शर्मा र भोला कलवारको आदर्शनगर स्थित बब्लु चिया पसलमा भेट भएको हो । उनीहरुबीच सामान्य विवादपछि हात हालाहाल समेत भएको थियो । प्रदेशसभा सदस्यको मर्यादामा रहेका शर्मालाई नगरसभापति भोला कलवारले सार्वजनिक स्थानमा गालीगलौज गरेपछि दुवैजनाबीच कुटाकुट भएको हो ।

त्यसपछि फेरी कलवारले आफ्ना मान्छे बोलाएर शर्मामाथि आक्रमण गरेको प्रत्यक्षदर्शीले बताए । उनीहरुबीच भनाभन भएको भिडियो समेत सामाजिक सञ्जालमा भाइरल भएको छ । दुवैजनाबीच कुटपिट हुँदा घाईते भई दुवैजना नारायणी अस्पतालमा भर्ना भएर उपचार गराई शर्मा घर फर्किएका छन् । भोला कलवार भने थप उपचारका लागि काठामाडौं गएका छन् ।

के हो विवादको चुरो ?

भोला कलवार नेपाली कांग्रेसको नगरसभापति हुन् । उनी वीरगन्ज महानगरपालिकाको नगरसभा गृह भाडामा लिएर चलाई रहेका छन् । ओमप्रकाश शर्मा पनि नेपाली कांग्रेसबाटै प्रदेशसभा सदस्यमा मनोनित भएका व्यक्ति हुन् । दुवैजना एउटै पार्टीको भएपनि पार्टीको जिल्ला अधिवेशनदेखि मनमुटाव रहँदै आएको थियो । पार्टीको आन्तरिक राजनीतिमा पनि एउटै गुटका हुन ।

पार्टीको जिल्ला अधिवेशनमा अजय द्विवेदीलाई सभापति बनाउन दुबै एउटै सुमहमा रहेका थिए । कार्यकर्ताको भात भान्साको बयवस्थापन भोलाको थियो भने रकमको जोहो शर्माले गरेका थिए । त्यतीबेला भएको खाना खर्चको बिषयमा साह र शर्मावीच असहमती बढेको थियो । साहले १५ लाखको हिसाव देखाएका थिए भने शर्माले त्यती खर्च नहुने जिकीर गरेका थिए । बिवादको चुरो यही थियो ।

पार्टी सभापतिमा निर्वाचित अजय द्विवेदीले १० लाख रुपैया भूक्तानी दिलाएर यो बिषयलाई मिलाएका थिए तर मन त्यतीबेला देखी भाँच्चिएको थियो । त्यसपछि ओमप्रकाश शर्मा प्रदेशसभा सदस्यमा मनोनित भएपछि उनले नगरसभा गृह सार्वजनिक सम्पत्तिमा भएको आर्थिक अनियमितताको विरोधमा बोल्दै आईरहेका थिए । सोही कुराले नगरसभापति समेत रहेका भोला कलवार चिढीएका थिए ।

उनले शर्मालाई सार्वजनिक स्थानमा गाली गलौज गर्दै आएका थिए । शर्मालाई गाली गलौज गर्ने कुरा राम्रो नभएको र पार्टीले कारवाही गर्नुपर्ने आवाज पनि उठाउदै आएका थिए । नेपाली कांग्रेसका केन्द्र उपसभापति विलेन्द्र निधी, केन्द्रीय सदस्यदेखि पर्सा जिल्ला सभापति अजय द्विवेदीसम्मलाई शर्माले भन्दै आएका थिए । तर, पार्टीको नियन्त्रण भन्दा बाहिर कलवार रहेका थिए । त्यसैले बुधबार यो घटना हुन पुगेको ओम प्रकाश शर्माको बुझाई छ ।

नगरसभागृहको विषयमा ओमप्रकाश शर्माले कुरा उठाउनु भन्दा अघि नै अख्तियारले छानविनका लागि महानगरपालिकालाई पत्राचार गरेको थियो । तर, महानगरपालिकाले भने अख्तियारको पत्रलाई ढाकछोप गरेर राखेको छ । नगरसभागृह संचालनमा कांग्रेस नगरसभापति भोला कलवार र समाजवादी पार्टी  निकटका विश्वामित्र प्रसाद कलवारको साझेदारी छ ।

त्यसैले महानगरपालिकामा समाजवादी पार्टीको दबावले पत्र ढाकछोप गरेको हुनसक्ने अनुमान गरिएको छ । नगर सभापति कलवार भने शर्माले भने जस्तो बिषयमा शर्मासंग आफनो कुनै असन्तुष्टि रहेको छैन भन्छन । नेपाली कांग्रेसको तर्फबाट सम्बिधान सभाको  सदस्य भएका प्रदेश सभाको सदस्य रहेका शर्माले ब्यापारीको माल समात्न र छोड्न लगाउने त्यसो गर्दा कमिशन खाने गर्छन भन्ने भोला साहको आरोप छ ।मलाई शर्माको दलाली गर्ने प्रवृति मन पर्दैन आज बिहान पनि मैलै यही कुरा भनेको र यही बिषयमा भलगडा भएको हो  । नगरसभाको बिषयमा धेरैले बिरोध गरेका छन मुद्धा हालेका त्यसका बिषयमा शर्मासंग झगडा नभएको साहको भनाई छ ।

काठमाण्डौ किन लागे कलवार ?

प्रदेशसभा सदस्य ओमप्रकाश शर्मा र भोला कलवारबीचको कुटाकुटपछि अस्पताल भर्ना भएका शर्मा उपचारपछि घर फर्किएका छन् । भोला कलवार भने प्रहरीले पक्राउ गर्ने डरले थप उपचारको लागि भन्दै काठमाडौं लागे। जनताको जनप्रतिनिधिलाई रिसिवीले मान्छे लगाएर कुटपिट गराउने कलवारमाथि कानुनी कारवाही गर्नुपर्ने दबाव बढेको छ ।

त्यसैले पनि उनी प्रहरीले पक्राउ गर्ने भयले उपचारको बाहानामा काठमाडौं लागेको अड्कलबाजी गर्न थालिएको छ । सार्वजनिक व्यक्तिमाथि सार्वजनिक स्थलमा हातपात र गालीगलौज गर्नेलाई मुलकी अपराध संहिता अनुसार कारवाही हुने कानुनी व्यावस्था रहेको छ ।

 तर कलवारले भने रक्तचाप तथा दम बढेकोले तप उपचारकोलागि आफू काठमाण्डौ गएको बताउनु भयो । बीरगंज गुणस्तीय उपचार सेवा नभएकोले रेफर भएर काठमाण्डौ आए उहाँले भन्नु भयो ।

प्रहरीको उदासिनता   

प्रदेशसभा सदस्य शर्मा र नगरसभापति कलवारबीचको झगडामा पर्सा प्रहरीले उदासिनता देखाएको छ । कलवार र शर्माबीच एकपटक झगडा भईसकेपछि कलवारले मान्छे बोलाउन लगाए  लगत्तै प्रदेशसभा सदस्य शर्माले पर्साका प्रहरी उपरीक्षक सोन्द्रसिंह राठौरलाई घटनाको बारेमा जानकारी गराईसकेका थिए ।

फेरी दोश्रो पटक फोन गरेर जानकारी गराएपनि पछिल्लो पटक घटना हुँदा समेत प्रहरी घटनास्थलमा आई नपुगेपछि प्रहरीले पनि यस घटनामा उदासिनता देखाएको प्रदेशसभा सदस्य शर्माको गुनासो छ । उनलाई कलवारका मान्छे आएर कुटपिट गर्छ भन्ने विश्वास नलागे पनि सुरक्षाको दृष्टिले प्रहरीलाई खबर गर्न उपयुक्त देखिएपछि खबर गरेका थिए ।

तर, घटना भएको आधाघण्टामा पनि प्रहरी घटनास्थलमा पुग्न सकेन । तर पर्सा प्रहरी प्रमुख सोमेन्द्र सिहं राठौरले प्रहरी उदासिन नरहेको प्रष्ट पार्नु भयो । सासदले कतिखेर फोन गर्नु भयो मैले कतिखेर गरे र प्रहरी घटनास्थलमा कतिखेर पुग्यो सबै कुरा लिखित रेकर्ड गरिएको छ छानविन भयो भने सबै कुरा देखिने उहाँको भनाई छ ।